影片
更多
2023-05-29
209 瀏覽
上星期五晚（26/5）食完呢間餐廳，令我忍唔住第一次出post，以免大家再受氣。1. 我地一行七個人，五個成人，一個中一學生一個小二學生，坐低都仲睇緊餐牌，門口收銀阿叔已經吩咐侍應俾七個湯我地。侍應過黎問我地要咩湯，我話我地想睇下食咩先，跟住佢話：我地係要叫左湯先，你地七個湯，幾多紅幾多白？可能佢無咁嘅意思啦，但我地收到嘅暗示就係我地一定要叫七個餐，中一我可以接受，小二，點解一定要叫一個餐呢？佢明明寫住最低消費一人$20。為免麻煩，我地無反抗，叫左七個餐。2. 湯同餐包喺我地仲未決定到食咩，已經全部黎哂，侍應嘅高效率，一直keep住，我仔的意粉仲未到，佢就捧住一盤啫喱黎，問佢要唔要花奶。我話：佢意粉都未到喎。阿姐話：意粉係慢啲，咁你要唔要奶？我話：食完嘢我地先要甜品。阿姐話：你可以放喺枱度，食完嘢食。我再話：我唔想咁快要甜品。阿姐再話：你唔要我咪又係是但放出嚟，我唔會放返入雪櫃。3. 成餐飯我地真係好忙，意粉未到，要處理甜品，之後，阿叔叔又要我地叫飲品了。佢喺收銀位叫過黎，吩咐我地要叫飲品。我朋友講得唔太清楚，叔叔表示不滿意，我唯有大大聲，清晰地講一次我地飲咩，叔叔才收貨。但我唔明白，
1. 我地一行七個人，五個成人，一個中一學生一個小二學生，坐低都仲睇緊餐牌，門口收銀阿叔已經吩咐侍應俾七個湯我地。侍應過黎問我地要咩湯，我話我地想睇下食咩先，跟住佢話：我地係要叫左湯先，你地七個湯，幾多紅幾多白？可能佢無咁嘅意思啦，但我地收到嘅暗示就係我地一定要叫七個餐，中一我可以接受，小二，點解一定要叫一個餐呢？佢明明寫住最低消費一人$20。為免麻煩，我地無反抗，叫左七個餐。
2. 湯同餐包喺我地仲未決定到食咩，已經全部黎哂，侍應嘅高效率，一直keep住，我仔的意粉仲未到，佢就捧住一盤啫喱黎，問佢要唔要花奶。我話：佢意粉都未到喎。阿姐話：意粉係慢啲，咁你要唔要奶？我話：食完嘢我地先要甜品。阿姐話：你可以放喺枱度，食完嘢食。我再話：我唔想咁快要甜品。阿姐再話：你唔要我咪又係是但放出嚟，我唔會放返入雪櫃。
3. 成餐飯我地真係好忙，意粉未到，要處理甜品，之後，阿叔叔又要我地叫飲品了。佢喺收銀位叫過黎，吩咐我地要叫飲品。我朋友講得唔太清楚，叔叔表示不滿意，我唯有大大聲，清晰地講一次我地飲咩，叔叔才收貨。但我唔明白，佢聽得唔好點解唔行過黎，要全間餐廳嘅人都聽到我地飲咩。
4. 忙碌左一輪，終於食得哂七個餐，所有湯呀包呀甜品呀之後，想好好地傾下計啦，我地食飯唔係只係肚餓想食嘢架嘛，傾左一陣，阿姐出動勁執嘢，再過一陣見我地無動靜，阿叔再行過黎，話外面好多人等位，叫我地要走……其實佢從無講過有限時，我地又唔係坐左三四個鐘唔肯走，而佢出面，都唔係真係好多人囉（至少我地出到去，門口無人等位）結果，佢成功激勵到一個從未對一間餐廳寫過劣評的我，為佢寫出第一篇。
上黎一望，原來佢都唔少負評，睇黎佢無針對我地，對大家都係咁。
環境一般，食物都好一般，價錢唔貴但唔係平，$90以上一個餐，服務態度可以由頭差到落尾的餐廳，我喺附近大把其他選擇喇
張貼
