榊原 (亨環‧天后)

營業中

休息中

今日遠道而來去到天后食omakase，呢一間系網上都大受好評，偶爾一次都要對自己好啲，入到去已經Feel到高級感。門面設計非常優雅，有日式庭園嘅設計風格，店舖面積唔算大（廳），只係提供大約12位客人嘅座位，所以座位非常寬敞，亦都十分舒適。呢度主廚梁師傅超級健談，非常親切，最重要係佢可以上每一道菜時都非常詳細講解佢嘅來源同埋特色，甚至講埋點樣處理方法，呢樣嘢好難得，梁師傅可以做咁多年都係堅持同食客有交流，睇得出有心有力。食物方面以時令食材炮製盛宴，當中晚市廚師發辦最為豐富，有20道菜色，包含前菜、刺身、和食、壽司、湯和甜品。梁師傅會提供各款壽司，刺身及海鮮。亦可以提前同佢講唔食邊啲以便安排，又同我哋傾閒計，成餐飯都食得好開心，整體質素都比較高質。