森戶 (官塘立成大廈) (已結業)

牛頭角雖然聽落只係一個工業區，但其實都有唔少好嘢食😁，之前見同事話e 間餐廳，餐牌大部分都有外賣，今日收工特登同家人黎依間新開的日本餐廳試左堂食，覺得都唔錯幾好食😋。店舖設計簡潔，以木系風為主，望落好舒服☺️。另外一點，佢地D碟都美美的，好有日本嘅感覺😄。睇翻菜單佢地都有唔同刺身，壽司，卷物，手卷等等嘅選擇，睇落全部都好吸引咁🤤🤤。我地先叫左一個火炙盛盒試下先，入面有十舊唔同的火炙壽司👍。佢地嘅壽司好新鮮，而且輕輕燒過後更顯香口😉，油脂味都好足😌。覺得當中最好味係三文魚腩同拖羅火炙壽司，好肥美，食落勁滿足🤗。見佢地D火炙壽司都幾出色，我地嗌多左個自選十件，當中包括三文魚，帶子，金目鯛等等😌。味道都唔錯，特別帶子好鮮甜，相信依間餐廳係選材同處理食材上都幾有心得👍。