喜棧 (已結業)

今晚去左搵阿哥阿嫂，係大埔行左一陣都唔知食咩好，行行吓就見到喜棧，咁就入去坐底左，店內有不少晚市套餐，我地就揀左魚香茄子、菠蘿咕嚕肉、豉汁蒸黃立倉同雲吞麵，黎到後貌相唔錯，上菜速度都好快，茄子勁入味之餘仲好有咸魚香味，肉碎更是入味之最，用黎送飯食真係一絕；另菠蘿咕嚕肉就甜甜酸酸，肉塊表面既炸粉又唔會過多，食起上黎真係食到肉香；豉汁蒸黃立倉則蒸到剛剛好，勁滑又啖啖肉，最岩就係我呢d怕魚骨既人，同時個豉汁又唔會過咸，鮮味十足，我阿哥都食到猛話正；而我阿嫂最鍾意既雲吞麵都好好味，雲吞勁爽口，麵質又彈牙，湯底仲好鮮甜；總括黎講水平都幾高，相信會再次幫襯！