影片
更多
2022-12-20
354 瀏覽
臨近聖誕，又係時候約 friend 出嚟聚下舊，提早慶祝。朋友話想鋸扒，所以今次就特意揀咗北角呢間主打鐵板餐嘅「Sticks & Fire」。餐廳位於木星街，門面好 Sharp 好搶眼，以落地大玻璃作設計，店內地方雖然不大，但裝潢新簇，環境光潔，感覺企理舒服。 餐廳最近推出咗 Christmas Menu，點芝士焗龍蝦扁麵條，即可享半價優惠，當然唔可以錯過，另外再加咗客乾果沙律 同 西冷牛扒。先 Share 咗客乾果沙律 ($65)，用料很豐富，混合了梅干、紅棗、無花果、蔓越莓和新鮮爽脆嘅雜錦沙律菜，入口清新怡人，配上日式芝麻醬，好醒胃，充滿田園氣息。鐵板紐西蘭西冷牛扒配薯條 ($138) 西冷扒兩大塊，份量十足，上桌時熱燙燙，切開肉色粉嫩，足見火候控制得宜，食落牛味頗濃，肉質軟腍適中，口感嫩滑無渣。伴吃嘅薯條亦非常美味，新鮮即炸，熱辣辣、脆卜卜，吃時更瀰漫著陣陣薯香，脆口又唔油膩。另外呢客芝士焗龍蝦扁麵條 ($64) 用料亦不賴，以半隻開邊龍蝦入饌，絕對無將貨就價。龍蝦表面鋪滿了澎湃嘅芝士，食落肉質好鮮甜，Q 彈紮實，吃時仲有拉絲效果添 ！扁麵條煮得啱啱好，食到 Al dente
臨近聖誕，又係時候約 friend 出嚟聚下舊，提早慶祝。朋友話想鋸扒，所以今次就特意揀咗北角呢間主打鐵板餐嘅「Sticks & Fire」。
餐廳位於木星街，門面好 Sharp 好搶眼，以落地大玻璃作設計，店內地方雖然不大，但裝潢新簇，環境光潔，感覺企理舒服。 
餐廳最近推出咗 Christmas Menu，點芝士焗龍蝦扁麵條，即可享半價優惠，當然唔可以錯過，另外再加咗客乾果沙律 同 西冷牛扒。
先 Share 咗客乾果沙律 ($65)，用料很豐富，混合了梅干、紅棗、無花果、蔓越莓和新鮮爽脆嘅雜錦沙律菜，入口清新怡人，配上日式芝麻醬，好醒胃，充滿田園氣息。
鐵板紐西蘭西冷牛扒配薯條 ($138) 西冷扒兩大塊，份量十足，上桌時熱燙燙，切開肉色粉嫩，足見火候控制得宜，食落牛味頗濃，肉質軟腍適中，口感嫩滑無渣。
伴吃嘅薯條亦非常美味，新鮮即炸，熱辣辣、脆卜卜，吃時更瀰漫著陣陣薯香，脆口又唔油膩。
另外呢客芝士焗龍蝦扁麵條 ($64) 用料亦不賴，以半隻開邊龍蝦入饌，絕對無將貨就價。龍蝦表面鋪滿了澎湃嘅芝士，食落肉質好鮮甜，Q 彈紮實，吃時仲有拉絲效果添 ！
扁麵條煮得啱啱好，食到 Al dente 嘅口感，加上每條都掛滿了濃郁嘅牛油蒜蓉汁，入口份外香滑。
食完再嘆番杯熱咖啡，超滿足。
張貼
