影片
更多
2021-05-18
366 瀏覽
人生好多時都會遇到不如意事，但好多時只要樂觀面對，保持正面而接受既態度，就自然會俾自己搵到適合既出路。 Wing Wing哋呢間小店內裡招牌，就正正提醒大家遇到困難時可以邊享用雞翼邊消化自己的情緒吧。Wing Wing哋呢間新開既雞翼店，位於葵芳廣場(亦葵涌廣場對面, 葵芳邨內商場範圍)地下。如果更加詳細的解釋，就是位於前往大連排道金龍工業中心既天橋底，雜貨與麵包店旁默默既一個小單位。雞翼店除主打共8款口味既雞翼外，仲有7款罐頭式既飯盒可以選擇。如果真的每日都試味的話，都要足足1星期先可以試均! 雞翼及飯盒既套餐都唔包飲品，所以可以根據自己既口味而選擇與否。由於時值晚飯時間既關係，小編與老公就試左3款雞翼(連炸薯條)套餐($99)﹑日式慢煮豬軟骨飯($58)﹑以及白桃烏龍(+$15)。 響考慮個陣都有店員及熟客出黎介紹，仲話最受歡迎係W01鹹蛋黃﹑W04日本芥末及W06柚子。不過我地都俾W08焦糖威士忌吸引之下，決定放棄芥末而試下比較冷門既威士忌吧。由於雞翼店主力為外賣生意，所以包裝上都會以外賣用品及餐具為主。不過上菜時大家都被藍天及飛既主題吸引住，因為比較少店鋪會以淡色為包裝主題 (
Wing Wing哋呢間新開既雞翼店，位於葵芳廣場(亦葵涌廣場對面, 葵芳邨內商場範圍)地下。如果更加詳細的解釋，就是位於前往大連排道金龍工業中心既天橋底，雜貨與麵包店旁默默既一個小單位。
雞翼店除主打共8款口味既雞翼外，仲有7款罐頭式既飯盒可以選擇。如果真的每日都試味的話，都要足足1星期先可以試均! 雞翼及飯盒既套餐都唔包飲品，所以可以根據自己既口味而選擇與否。
由於時值晚飯時間既關係，小編與老公就試左3款雞翼(連炸薯條)套餐($99)﹑日式慢煮豬軟骨飯($58)﹑以及白桃烏龍(+$15)。 響考慮個陣都有店員及熟客出黎介紹，仲話最受歡迎係W01鹹蛋黃﹑W04日本芥末及W06柚子。不過我地都俾W08焦糖威士忌吸引之下，決定放棄芥末而試下比較冷門既威士忌吧。
由於雞翼店主力為外賣生意，所以包裝上都會以外賣用品及餐具為主。不過上菜時大家都被藍天及飛既主題吸引住，因為比較少店鋪會以淡色為包裝主題 (始終可能較難吸晴吧)。而罐頭造型既飯盒份量似乎唔小，單手拎上手都算有重力既感覺!
好! 先試試雞翼既味道：
1) 鹹蛋黃雞翼：鹹蛋黃醬唔算太油及濃烈，雖然雞翼相對乾身，但反而食起黎雞肉唔會完全被鹹蛋黃所覆蓋；
2) 柚子雞翼：會以柚子蜜醬塗於煎好既雞翼上，見到每隻雞翼都盡力有放柚子皮響上面，味道唔會過甜或過酸，亦市面其他雞翼店食到既差唔多；
3) 焦糖威士忌雞翼：有趣! 本身以為威士忌既酒味會過濃而令雞翼肉味有變，但反而焦糖用量都唔少，令你聞起黎係陣陣既威士忌香味，但食起黎就係焦糖香既醬汁! 推介之作!
薯條佢地用粗身薯條炸，而且表面上有灑上比較淡口既鹽，令你食起黎唔會太口乾，好味! (但如果外賣時有需要茄汁的話，記得向店員索取)
至於日式慢煮豬軟骨飯，可能是因為將豬軟骨飯製作好後再密封，所以食完雞翼後拎起罐頭個陣仲係有熱力迫出黎。豬軟骨大約有4件左右，並配以3件蘿蔔及3件椰菜/西蘭花作伴。本身飯量大約佔罐頭大約50%左右，而餸汁為相對濃，所以送飯個陣都幾易入口。
題外話/補充資料：
雖然雞翼店位置上比較偏僻(葵芳廣場)，而堂食既位置亦相當有限(3-4張枱)，不過作為新開小店都值得支持下。
(以上食評乃用戶個人意見 , 並不代表OpenRice之觀點。)
張貼
