影片
更多
2013-01-27
25 瀏覽
9月21日, 觀塘呢個工商業混雜嘅區域, 有唔少平靚正嘅小店~ 就襯今日呀比嚟搵我食飯, 我就帶佢嚟藏身觀塘廣場隱蔽角落, 一間全店彌漫住一陣羊臊味, 主要售賣羊肉湯米線嘅雲南阿老表嚟試下!::: 黑山羊湯鍋米線(淨瘦 細碗) + 凍咖啡 ::: $29 + $5羊湯鍋米線有大細、淨瘦或帶皮之分~ 基本上叫細碗其實都已經好大碗, 足以比得上出面普通米線舖份量. 而淨瘦同帶皮嘅分別就係瘦d湯頭少油d同有皮湯頭會油d同臊味重d之分~ 咪睇成碗米線好似好齋得d羊肉片同米線加把蔥咁… 其實湯底味濃郁, 羊肉有咬口, 加上米線夠彈牙~ 材料簡簡單單已經夠晒滿足!凍咖啡啡味好濃, 奶味較薄弱, 有幾啖有少少澀, 不過叫做ok啦~ 同埋好大杯!::: 黑山羊湯鍋米線(帶皮 細碗) + 凍奶茶 ::: $29 + $5呀菲叫咗淨瘦, 我呢d鍾意少少肥嘅就叫個帶皮, 其實感覺上2種唔會太大分別, 帶皮嘅又唔會十分肥, 只係多咗一層外皮夾住好少嘅肥膏~ 食落真係臊味十足, 係食過咁多羊以嚟最臊嘅一次, 不過又好好味, 有一種大自然嘅味道~ 食食下見人要求要炸菜, 原來佢地都好好人可以另外要一碟炸菜, 少
::: 黑山羊湯鍋米線(淨瘦 細碗) + 凍咖啡 ::: $29 + $5
羊湯鍋米線有大細、淨瘦或帶皮之分~ 基本上叫細碗其實都已經好大碗, 足以比得上出面普通米線舖份量. 而淨瘦同帶皮嘅分別就係瘦d湯頭少油d同有皮湯頭會油d同臊味重d之分~ 咪睇成碗米線好似好齋得d羊肉片同米線加把蔥咁… 其實湯底味濃郁, 羊肉有咬口, 加上米線夠彈牙~ 材料簡簡單單已經夠晒滿足!
凍咖啡啡味好濃, 奶味較薄弱, 有幾啖有少少澀, 不過叫做ok啦~ 同埋好大杯!
::: 黑山羊湯鍋米線(帶皮 細碗) + 凍奶茶 ::: $29 + $5呀菲叫咗淨瘦, 我呢d鍾意少少肥嘅就叫個帶皮, 其實感覺上2種唔會太大分別, 帶皮嘅又唔會十分肥, 只係多咗一層外皮夾住好少嘅肥膏~ 食落真係臊味十足, 係食過咁多羊以嚟最臊嘅一次, 不過又好好味, 有一種大自然嘅味道~ 食食下見人要求要炸菜, 原來佢地都好好人可以另外要一碟炸菜, 少少辣少少鹹, 加落去好清嘅羊肉湯底度可以吊下味~
凍奶茶嘅茶味夠, 奶味香濃, 加$5就有好抵~
其實阿老表除羊肉米線之外亦有其他少量配料如雞肉、貢丸、牛丸、墨魚丸等選擇, 另外亦有一、兩款小食提供~ 不過基本上嚟親嘅人都係嗜羊之人, 九成以上食客都會食羊米線, 所以次次lunch time未行入舖都已經聞到一大陣羊臊味~ 怕食羊嘅朋友都真係避得就好避… 記得阿老表啱啱開嗰時仲有羊眼、羊尾等冷門羊雜供應, 真係名副其實一間黑山羊專門店! 最搞笑就係有個鬼佬老闆做收銀, 開頭佢連錢都好似未識數咁, 不過慢慢都越做越好~ 希望呢間特色小店可以一直做落去啦~
張貼
