影片
更多
2024-09-15
403 瀏覽
我要烤魚喺旺角同銅鑼灣都有分店，除咗烤魚之外仲主打串燒，除咗魚之外仲有好多其他唔同嘅選擇。 位於百樂中心 8 樓嘅我要烤魚座位大約60個，環境都幾寬敞，坐得幾舒服，同朋友一邊食川菜一邊傾計，正！一場嚟到就梗係要試下佢嘅烤魚！唔食辣嘅食客都照顧埋，可以選擇酸酸甜甜嘅蕃茄湯底，同樣咁受歡迎。湯底：麻辣 (有籐椒)、香辣 (有鹹香)、酸辣同蕃茄湯底 (唔辣)辣度：BB 辣、小辣，中辣同大辣。魚：鱸魚 (實啲)，清江魚 (滑啲)每個湯底都會跟送6️⃣款配菜：麻辣 / 香辣：豆芽、蓮藕、土豆片、䈑荀、魔芋，娃娃菜酸辣：豆芽、蓮藕、豆卜、䈑荀、金菇，娃娃菜蕃茄的：魔芋、豆腐、土豆片、粟米、蕃茄，娃娃菜⭐🐟酸辣金湯酸菜烤魚 $298- 我哋揀咗清江魚。魚經炸過之後再入鍋，為條魚加咗炸咗脆脆地嘅口感，配埋呢個酸辣湯底好開胃。我哋叫咗 BB 辣，店員好貼心咁周不時過嚟加湯比我哋。我哋仲另外叫咗幾樣唔同嘅烤魚配料⭐啫啫墨魚滑 $78/份- 雖然叫啫啫墨魚滑，但除咗墨魚滑之外仲有好多配料，包括咗蓮藕、洋蔥、椰菜花、芽菜等，墨色滑有咬口得嚟但相對軟嘅口感，整體上同其他食材唔同嘅質地令個口感充滿唔同嘅層次。🥓牛骨髓
一場嚟到就梗係要試下佢嘅烤魚！唔食辣嘅食客都照顧埋，可以選擇酸酸甜甜嘅蕃茄湯底，同樣咁受歡迎。
湯底：麻辣 (有籐椒)、香辣 (有鹹香)、酸辣同蕃茄湯底 (唔辣)
辣度：BB 辣、小辣，中辣同大辣。
魚：鱸魚 (實啲)，清江魚 (滑啲)
每個湯底都會跟送6️⃣款配菜：
麻辣 / 香辣：豆芽、蓮藕、土豆片、䈑荀、魔芋，娃娃菜
酸辣：豆芽、蓮藕、豆卜、䈑荀、金菇，娃娃菜
蕃茄的：魔芋、豆腐、土豆片、粟米、蕃茄，娃娃菜
⭐🐟酸辣金湯酸菜烤魚 $298
- 我哋揀咗清江魚。魚經炸過之後再入鍋，為條魚加咗炸咗脆脆地嘅口感，配埋呢個酸辣湯底好開胃。我哋叫咗 BB 辣，店員好貼心咁周不時過嚟加湯比我哋。
我哋仲另外叫咗幾樣唔同嘅烤魚配料
⭐啫啫墨魚滑 $78/份
- 雖然叫啫啫墨魚滑，但除咗墨魚滑之外仲有好多配料，包括咗蓮藕、洋蔥、椰菜花、芽菜等，墨色滑有咬口得嚟但相對軟嘅口感，整體上同其他食材唔同嘅質地令個口感充滿唔同嘅層次。
🥓牛骨髓 $48/份
- 唔係度度都有得食嘅牛骨髓，佢吸咗個酸辣湯嘅味道之餘入口綿綿，非常美味。
🥓鴨血 $32/份
- 另外叫咗份鴨血，質地比較實嘅鴨血放咗落個湯度都唔會散，入口少少爽都幾有口感。
🍜稻庭烏冬$20/份
- 另一款吸湯嘅配料，同牛骨髓一樣，稻庭烏冬入口都係比較軟熟，個烏冬煮咗一陣就吸咗酸辣湯嘅味道，
除咗烤魚之外，我哋仲叫咗啲串燒同燒物：
🍢牛胸爽 $14/串
- 牛胸爽係心臟隔離嘅膜，起初見到白色以為係成塊脂肪，原來佢係軟骨部位嚟，燒香咗嘅牛胸爽有啲爽口又有啲煙韌，配上味粉好香口，送啤酒一流
🍢西斑牙叉燒串 $14/串
- 有少少似平時食嘅叉燒但香口好多，入口肉味濃郁而且一啲都唔韌唔硬。
🦪陀地燒生蠔 $12/隻
- 呢個燒生蠔要大推! 雖然唔係話好大隻，但$12一隻就好抵食，燒生蠔上面有滿滿嘅蒜蓉，啱晒我呢啲蒜蓉控!
🍍甜蜜燒菠蘿 $10/串
- 燒香咗燒熱咗嘅菠蘿特別甜，呢份燒菠蘿燒完一啲都唔乾，保留咗菠蘿原有嘅鮮甜同水份，正！
飲品
- 自家製檸檬香茅薏米水 $22
🍺Sapporo生啤 $48
- 食烤魚就梗係要配啤酒！大大杯都只係 $48，Sapporo 生啤做緊買一送一優惠，千祈唔好錯過 🍻🍻
整體嚟講，我要烤魚幾抵食，無論係2個人嚟定一班人嚟，都可以有唔同嘅食物滿足到唔同人嘅喜好同食量。呢度嘅服務除咗好貼心之外，店員都好友善，會介紹返唔同嘅食材同食物，值得一試!
張貼
