瘋狂小面 (佳德商業大廈)

營業中

休息中

收工趕住上堂，係中環食碗麵。湯底可選又辣又惹味既紅湯，或者唔辣既白湯。套餐既組合可選一款麵、小食、飲品同埋甜品。蒜泥青瓜切粒既青瓜幾清脆爽口，蒜泥味唔算好濃，作為冷盤都幾唔錯。瘋狂肥腸面揀左唔辣既白湯，湯底味道濃而不膩，連埋啲蔥粒一齊食就更好。豬大腸用川式手法處理，側面切開再清洗乾淨，食落非常入味。而麵條亦幾彈牙，整體唔錯。成都老冰粉冰粉可以解辣，今餐無食辣就當甜品咁食😋上面有山渣、提子乾、花生等配料，口感豐富。烏梅汁酸酸地幾開胃醒腦。