影片
更多
2022-07-12
563 瀏覽
餐廳：六和冰室 (觀塘)地址：觀塘成業街19-21號成業工業大廈地下1號舖早午餐主打港式茶餐廳食物；夜晚主打小菜、火鍋、烤魚、雞煲等美食，觀塘呢間新開咗一個幾月嘅六和冰室最近好似成為咗觀塘區打工仔同街坊嘅打躉食飯好地方😎一入到餐廳就見到濃厚嘅香港特色，牆上有香港街道嘅牆紙，另外仲有唔少舊式茶餐廳先見到嘅設計風格，而且餐廳面積同空間感都幾大，相對坐都坐得比較舒服😌，平日晚上都幾多人嚟食飯✝️招牌雞煲 $198兩位起計嘅招牌雞煲，承惠每位$198，有麻辣、鹹菜胡椒豬肚、藥膳同清香椰子湯底比你揀，另外仲可以任揀15款唔同嘅自選火鍋配料。今次就揀咗鹹菜胡椒豬肚湯，未食已經聞到濃郁嘅胡椒香，健脾暖胃一流👍，兩個人有半隻雞嘅份量，雞肉同豬肚都唔少，而且煮得幾腍，未打邊爐已經即刻飲咗兩碗湯😋，飲完成身㷫烚烚，味道確實唔錯唔錯👏喺39款火鍋配菜俾15款，主食、肉類、丸類、蔬菜，另外仲有啲要加錢嘅配菜，我哋就揀咗日本黑豚肉🐷、美國肥牛🐮、牛丸、自家製墨魚丸、自家製蝦丸、脆鯇骨腩片、魔芋絲、炸響鈴、雞髀菇、蘿蔔、唐生菜🥬、油麥菜、高原娃娃菜、皇帝菜同金針菇。所有食材都係二人份量，其實食完之後都幾飽，啲肉都幾
地址：觀塘成業街19-21號成業工業大廈地下1號舖
早午餐主打港式茶餐廳食物；夜晚主打小菜、火鍋、烤魚、雞煲等美食，觀塘呢間新開咗一個幾月嘅六和冰室最近好似成為咗觀塘區打工仔同街坊嘅打躉食飯好地方😎
一入到餐廳就見到濃厚嘅香港特色，牆上有香港街道嘅牆紙，另外仲有唔少舊式茶餐廳先見到嘅設計風格，而且餐廳面積同空間感都幾大，相對坐都坐得比較舒服😌，平日晚上都幾多人嚟食飯
✝️招牌雞煲 $198
兩位起計嘅招牌雞煲，承惠每位$198，有麻辣、鹹菜胡椒豬肚、藥膳同清香椰子湯底比你揀，另外仲可以任揀15款唔同嘅自選火鍋配料。
今次就揀咗鹹菜胡椒豬肚湯，未食已經聞到濃郁嘅胡椒香，健脾暖胃一流👍，兩個人有半隻雞嘅份量，
雞肉同豬肚都唔少，而且煮得幾腍，未打邊爐已經即刻飲咗兩碗湯😋，飲完成身㷫烚烚，味道確實唔錯唔錯👏
喺39款火鍋配菜俾15款，主食、肉類、丸類、蔬菜，另外仲有啲要加錢嘅配菜，我哋就揀咗日本黑豚肉🐷、美國肥牛🐮、牛丸、自家製墨魚丸、自家製蝦丸、
脆鯇骨腩片、魔芋絲、
炸響鈴、雞髀菇、蘿蔔、唐生菜🥬、油麥菜、高原娃娃菜、皇帝菜同金針菇。所有食材都係二人份量，其實食完之後都幾飽，
啲肉都幾新鮮，捲成一卷卷，
淥到散開就啱啱好熟透可以食🤤；
而墨魚丸同蝦丸都喺餐廳自己手打至起膠，食落爽口彈牙，仲好鮮味🌊
飲品就叫咗個超級大杯嘅洛神花茶($28)，有接近1L大小，清甜解渴💦；另外叫咗一渣自家製涼茶($38)，原來喺檸檬薏米水，雖然檸檬味就唔喺太出，不過薏米佔咗成渣嘅三份一，一邊打邊爐一邊飲，最後食埋啲薏米祛吓濕消吓暑都幾唔錯☀️
張貼
