竺扶大班燒味

營業中

休息中

朋友想食羊腩煲，咁啱經過餐廳門口，見到餐牌有羊腩煲，抱住無咩所謂嘅心態就走入去食。我哋叫咗羊腩煲、臘味芥蘭同楊州炒飯。碟芥蘭要俾十個讚，夠晒鑊氣，炒得又香又甜、茶餐廳食到大排檔風味，周圍望下，見到餐廳放滿咗廚藝嘅獎牌同獎盃，發現自己誤打誤撞入咗間人氣店；另外，羊腩煲$118都要讚下，雖然味道正正常常無咩特別，但就勁足料，冬菇、竹筍、支竹、、生菜、羊腩，樣樣都有，比起出面賣緊$298果啲仲大煲，原本諗住求祈入去一間餐廳食，估唔到咁大驚喜，埋單仲要唔洗$250，勁抵食！會再去幫襯，試下佢其他小菜或燒味。