影片
更多
2023-08-06
30 瀏覽
我睇三國，得出自信，能力同自負既關係。有能力既人，又相信自己，就係自信，有能力但唔相信自己，就係普通人，無能力但吹噓自己，就係自負。見個Menu,呢間餐廳嘅老闆，話開店原因係單單因為其他餐廳既食物每況愈下。先試食物，再作結論。 🍖前菜我地叫左沙律，同埋法式洋蔥湯。洋蔥湯真係好蝦人做，又要炒洋蔥，又要將牛肉變成清湯，又要睇火候，又要調味。將塊焗起嘅法包，放係湯入邊，完全索哂湯去個包度。其味無窮。 🍖其中一個主菜係法式油封鴨，油封鴨又係功夫野，聽講要用鴨油，慢火煮鴨腿一兩個鐘，等佢放涼之後凝固。要食嘅時候先至攞返出嚟煎。哩嗰根本就係古代既慢煮食法。鴨腿真係煎得嗰皮好薄又脆，肉質又好嫩滑。上面放嘅百里香，未食已經呼吸到果陣清香嘅味道。我個人覺得最犀利喺嗰啲炸蒜片。唔係啖啖都食到鴨皮，但係加左蒜片就可以做到好似每一啖都係皮同肉一齊食。而且蒜片唔會過火，一的都冇苦既感覺。 🍖另一個主菜喺蕃茄忌廉蟹肉長通粉。通粉喺做到al dente 既，蟹肉份量好充足，最好味喺嗰汁。忌廉一般凍左一定會好杰，的粉就會痴埋一舊。蕃茄就可以岩岩補充番哩個水份。然後又係香料建功，切碎左既羅勒葉，帶出清香有大出口感。 🍺
🍖前菜我地叫左沙律，同埋法式洋蔥湯。洋蔥湯真係好蝦人做，又要炒洋蔥，又要將牛肉變成清湯，又要睇火候，又要調味。將塊焗起嘅法包，放係湯入邊，完全索哂湯去個包度。其味無窮。
🍖其中一個主菜係法式油封鴨，油封鴨又係功夫野，聽講要用鴨油，慢火煮鴨腿一兩個鐘，等佢放涼之後凝固。要食嘅時候先至攞返出嚟煎。哩嗰根本就係古代既慢煮食法。鴨腿真係煎得嗰皮好薄又脆，肉質又好嫩滑。上面放嘅百里香，未食已經呼吸到果陣清香嘅味道。我個人覺得最犀利喺嗰啲炸蒜片。唔係啖啖都食到鴨皮，但係加左蒜片就可以做到好似每一啖都係皮同肉一齊食。而且蒜片唔會過火，一的都冇苦既感覺。
🍖另一個主菜喺蕃茄忌廉蟹肉長通粉。通粉喺做到al dente 既，蟹肉份量好充足，最好味喺嗰汁。忌廉一般凍左一定會好杰，的粉就會痴埋一舊。蕃茄就可以岩岩補充番哩個水份。然後又係香料建功，切碎左既羅勒葉，帶出清香有大出口感。
🍺野飲都好有心思，佢地係先上水果茶，我諗係因為依樣係由前菜開始已經可以夾到嘅飲品。佢仲用French press 壼，咁就可以完全浸泡新鮮水果，又唔會飲到渣。而我嘅紅酒就係主菜之前先至上。喺最適合時機。佢哋冇講係咪哩個原因，我自己就當係架啦。最後補充埋紅酒係有掛杯，雖然唔知佢house wine睇下係咩，但係相信唔會係差嘅葡萄酒。
✨️呢間餐廳，店舖細細，冇用到好貴嘅裝修，但係木台同皮凳，杯碟同餐具，仍然係比人四四正正感覺，將重點同埋成本集中喺材料同埋完成品，一啲都唔馬虎。我覺得係自信嘅表現。
油封鴨腿
2 瀏覽
0 讚好
0 留言
張貼
