德美壽司 (德民街)

營業中

休息中

放假晏咗起身，同女女到紅磡德美壽司食lunch，去到未夠12點，餐廳仍掛著「準備中」的牌子，但門口已有好幾伙人喺度等開門。入到去待應好有效率咁安排好入座和點餐，我點了魚子蔥吞拿魚腩茸飯，女女點了銀雪魚西京燒定食，兩個套餐都附有沙律、味噌湯、茶碗蒸蛋同甜品；首先上味噌湯同沙律，沙律很清新，加上油醋汁，酸酸的夠醒胃；番茄去了皮，很窩心，值得一讚，荼碗蒸蛋賣相略遜，表面不夠平滑，有「沙孔」，唔係好夠熱，味道不過不失；魚子蔥吞拿魚腩茸飯，很足料很新鮮，配埋隻鵪鶉蛋，我怕鵪鶉蛋膽固醇高同埋唔食蔥，一開始就揀起咗，吞拿魚腩茸味道很鮮甜，完全唔使點wasabi；以免掩蓋魚腩茸鮮味，配上加咗香菇同調咗味嘅五味醋飯，豐富唔單調，增加層次感，美味極了，喺其他日本餐廳唔易食到。我試食女女嘅銀雪魚西京燒，銀雪魚肉質鮮嫩，夠「企身」，火喉控制得啱啱好，僅僅熟，好滑，好juicy，御飯較鬆散，唔似日本米。甜品係雪米糍，係就係「行」咗啲，以七十零八十元嘅午餐，有咁嘅質素，又唔使加一，算抵食喇﹗待應們服務都很專業，有禮貌，而且效率很高，跟食客有交流，還逗得隔離枱小女孩很開心，親切如街坊小店。