影片
更多
2024-12-05
831 瀏覽
天氣開始凍就想打邊爐，今次就試吓台式火鍋-湊湊火鍋·茶憩。臺式火鍋我就最愛麻辣鍋我今次去呢間就係位於YOHO MIX.入邊嘅裝修好靚，好似置身咗喺園林咁。🌟臺式麻辣鍋+清涼椰子雞 （$138@1）湯底我就揀咗鴛鴦鍋-台式麻辣鍋加清涼椰子雞。麻辣鍋做得啱啱好唔會太辣，但係又食到花椒嘅麻香。而椰子雞都做得好清甜，佢個湯底直程可以飲，有啖淡嘅椰子清香。👍🌟美國特選級牛肩胛（$158）牛肉方面我哋就揀咗牛肩胛。牛味都幾香嘅，而且都好大碟，都算幾抵食嘅😍🌟新鮮白鱔片（$78）海鮮我就叫咗佢嘅白鱔片，佢每一塊魚片都切到好薄。而且佢嘅魚肉都幾彈牙架👍👍🌟新鮮活撈蚵仔（$68）蚵仔煎就食得多啦，用蚵仔肉打邊爐你哋有冇試過呢？我見佢細細粒丫，每一粒食落呢都好鮮甜，而且好飽滿嘅🙊🤭🤭🌟企鵝丸（$59）呢個企鵝丸，外型勁得意😊真係成隻企鵝仔咁㗎，佢仲可以卡喺鴛鴦鍋嘅中間，你鍾意食邊隻味就將佢撥向邊一邊。直頭好似企鵝跳水咁呀🤭🤭🌟大紅袍珍珠奶茶（$33）依間湊湊鍋仲有自己嘅茶飲店。所以呢打打吓邊爐呢都可以叫台式飲品嚟飲架。大紅袍珍珠奶茶我覺得可以試吓，佢嘅茶味都好香嘅，而且珍珠煮得好好好有咬口依家我知道佢哋仲
天氣開始凍就想打邊爐，今次就試吓台式火鍋-湊湊火鍋·茶憩。臺式火鍋我就最愛麻辣鍋
我今次去呢間就係位於YOHO MIX.入邊嘅裝修好靚，好似置身咗喺園林咁。
🌟臺式麻辣鍋+清涼椰子雞 （$138@1）
湯底我就揀咗鴛鴦鍋-台式麻辣鍋加清涼椰子雞。麻辣鍋做得啱啱好唔會太辣，但係又食到花椒嘅麻香。而椰子雞都做得好清甜，佢個湯底直程可以飲，有啖淡嘅椰子清香。👍
🌟美國特選級牛肩胛（$158）
牛肉方面我哋就揀咗牛肩胛。牛味都幾香嘅，而且都好大碟，都算幾抵食嘅😍
🌟新鮮白鱔片（$78）
海鮮我就叫咗佢嘅白鱔片，佢每一塊魚片都切到好薄。而且佢嘅魚肉都幾彈牙架👍👍
🌟新鮮活撈蚵仔（$68）
蚵仔煎就食得多啦，用蚵仔肉打邊爐你哋有冇試過呢？我見佢細細粒丫，每一粒食落呢都好鮮甜，而且好飽滿嘅🙊🤭🤭
🌟企鵝丸（$59）
呢個企鵝丸，外型勁得意😊真係成隻企鵝仔咁㗎，佢仲可以卡喺鴛鴦鍋嘅中間，你鍾意食邊隻味就將佢撥向邊一邊。直頭好似企鵝跳水咁呀🤭🤭
🌟大紅袍珍珠奶茶（$33）
依間湊湊鍋仲有自己嘅茶飲店。所以呢打打吓邊爐呢都可以叫台式飲品嚟飲架。大紅袍珍珠奶茶我覺得可以試吓，佢嘅茶味都好香嘅，而且珍珠煮得好好好有咬口
依家我知道佢哋仲做緊一啲優惠嘅：
1.只要係包間訂座就會送鴨血，而且仲可以帶返屋企食添丫。啱晒我依啲好鍾意食麻辣鴨血嘅人😍😍
2.早鳥會有85折、夜貓會有8折優惠。真係由朝到晚都會有唔同嘅特別折扣😍😍😍
🍴湊湊火鍋•茶憩 (元點) (元朗)
📍元朗朗樂路1號元點1樓B121-126號舖
張貼
