十字冰室 (恆陞大樓)

營業中

休息中

西營盤食午飯其實都好多選擇㗎，今日去到十字冰室，佢嘅午餐有好多款選擇，今次叫左招牌菜係香濃蕃茄牛尾湯通粉同埋熱奶茶。呢度嘅招牌菜係香濃蕃茄牛尾湯通粉。蕃茄濃湯，裏面咁多料，湯底鮮味！甜酸可口！牛尾好大嚿，爛熟入味。 熱奶茶亦香濃可口，奶味茶味均足，又吾會苦澀。佢嘅奶製品都係十字牌鮮奶烹調，頗有特色，又有舊時味道。店內嘅裝修都係參照舊式冰室，懷舊復古，影相好靚！下次同朋友再想試下冰鎮朱古力奶茶同炒蛋多士啦！