影片
更多
2024-01-27
67 瀏覽
呢間餐廳班底好有來頭，由前馳名老雪園師傅主理，將舊派菜式重新演繹。當日所有菜式都好值得叫，前菜當中 無錫脆鱔，醉香乳鴿，酒槽鴨舌分別係食到脆，香，滑。招牌火瞳雞燉翅，蟹粉煲拌陽春麵，紅焼大元蹄，四寶片皮雞，招牌小籠包，經典上海生煎都非常出色。首先講明，今晚真係全部自費。先讚火瞳雞燉翅，湯香唔太鹹，雖然漿口度可再改善，但係勝在足料，多到離譜🥹火朣個皮先係精粹，唔算好鹹仲食到應有嘅口感👍蟹粉香滑，無殼碎唔腥，夠掛身。四寶片皮雞係出面已經好少食到，好有心機嘅舊菜新造，除咗旁邊嘅拌碟以外，雞皮係脆嘅。小籠包多汁呢啲好基本，反而最後個上海生煎係驚喜嚟。真正水煎嘅做法做到好似炸出嚟嘅底，入口鬆脆，內裡真心爆汁👍👍反而炒豆苗有爭少少，鹹左少少。 酸辣湯正常操作。總結，13人每位$1000 呢個份量，質素，無投訴。唔係最平嘅價錢，不過真心好食，而且好合理。值得再黎試下佢其他簡單菜😌當晚菜單:蔥油海蜇頭 無錫脆鱔 醉香乳鴿小蔥皮蛋拌豆腐 茶香煉蛋 風味素鴨秘制口水雞 酒槽鴨舌招牌火瞳雞燉翅清炒蟹粉煲拌陽春麵椒椒相見酸菜魚紅焼大元蹄（芝麻大餅）四寶片皮雞清炒時蔬招牌小籠包經典上海生煎蓬茶湯圓（加薑）
當日所有菜式都好值得叫，前菜當中 無錫脆鱔，醉香乳鴿，酒槽鴨舌分別係食到脆，香，滑。招牌火瞳雞燉翅，蟹粉煲拌陽春麵，紅焼大元蹄，四寶片皮雞，招牌小籠包，經典上海生煎都非常出色。
首先講明，今晚真係全部自費。先讚火瞳雞燉翅，湯香唔太鹹，雖然漿口度可再改善，但係勝在足料，多到離譜🥹火朣個皮先係精粹，唔算好鹹仲食到應有嘅口感👍
蟹粉香滑，無殼碎唔腥，夠掛身。四寶片皮雞係出面已經好少食到，好有心機嘅舊菜新造，除咗旁邊嘅拌碟以外，雞皮係脆嘅。
小籠包多汁呢啲好基本，反而最後個上海生煎係驚喜嚟。真正水煎嘅做法做到好似炸出嚟嘅底，入口鬆脆，內裡真心爆汁👍👍
反而炒豆苗有爭少少，鹹左少少。 酸辣湯正常操作。
總結，13人每位$1000 呢個份量，質素，無投訴。唔係最平嘅價錢，不過真心好食，而且好合理。值得再黎試下佢其他簡單菜😌
當晚菜單:
蔥油海蜇頭 無錫脆鱔 醉香乳鴿
小蔥皮蛋拌豆腐 茶香煉蛋 風味素鴨
秘制口水雞 酒槽鴨舌
招牌火瞳雞燉翅
清炒蟹粉煲拌陽春麵
椒椒相見酸菜魚
紅焼大元蹄（芝麻大餅）
四寶片皮雞
清炒時蔬
招牌小籠包
經典上海生煎
蓬茶湯圓（加薑）
張貼
