泰排檔

營業中

休息中

這間泰國菜喺大角咀，主廚係泰國人，食物都好地道包括船麵，炒金邊粉，蝦餅，泰式奶茶。座位似大排檔，大家背對背嘅形式。下午過黎食，人流都不少。1:00 pm到達，隨時要等位。船麵都幾濃郁，可以揀金邊粉或者蛋麵，我覺得金邊粉夠煙韌。串燒沙嗲雞肉夠Juicy, 上枱熱辣辣。炸粟米蝦餅係即叫即炸，入口幾彈牙。蟹肉炒飯份量都唔少，好夠蛋香同有鑊氣。芒果糯米飯都幾飽肚，儘管芒果顏色望落去唔太金黃，但入口都係甜，配埋椰汁就最夾。