Involtini Italian Cuisine

營業中

休息中

終於有機會食到啲人話係全香港最好食嘅carbonara ($168)。 對於唔鍾意食忌廉嘅我，其實平時去西餐廳好少會叫carbonara，但呢一個實在蛋味香濃到一個點，個汁又勁滑。意粉係自家製，食得出好新鮮，又整得剛剛好，唔會太軟亦都唔會太硬，配合埋煎香嘅煙肉，真係好香口好好味， 各種食材配合得好好，勁 balance，差啲連隻碟都想舐埋！跟住係 Risotto with raw red prawn and amalfi lemon sauce ($330)因為唔想成枱意粉，所以決定叫咗個#意大利飯。呢道絕對係主打鮮味嘅菜式。紅蝦刺身配埋似龍蝦汁嘅 risotto， 同埋好清新又鮮又香嘅檸檬汁，中和左risotto 本身嗰個膩嘅感覺，都好值得一試。但我就都係嫌意大利飯煮得偏硬咗少少，好似只係剛剛熟，唔係好啱我呢啲港女口味，可能咁先係正宗吧。