紅運餐廳

營業中

休息中

茶餐廳本身隨意，大路是十分正常，但紅運的hea已經是茶餐廳所不能接受的範圍。叫個欖菜炒飯，欖菜炒唔出味，炒飯調味唔夠，又淋，好似食白飯咁。想落些少辣椒油吊下味，呀真係吊一聲，一食就知超市桂林辣椒油嚟。辣椒油唔係自家製都算，炒都唔炒香就咁裝出來比客食，仲要擺耐咗壞壞地，食完唔舒服咗兩日。仲有杯凍檸水有八成係冰就費事多講了。冇心機煮嘢食求其仲要差啲食壞人好心咁多行點解要做飲食？當我撞車撞到冇hi咗味覺啦，最後，連茶餐廳基本function 比人坐下都唔比，限時50分鐘，嘩，睇得出你做生意非常委屈。紅運，不可一，不可再。