雲家小鍋米線 (328廣場)

營業中

休息中

涼拌墨魚頭（$45）份量不少。墨魚頭勁爽勁彈牙，口感一流。撈咗辣蒜蔥醬汁，更加惹味。推薦。腩肉魚腐小鍋紅薯粉（$51）凍檸水（+$3）要咗BB辣，好輕微嘅辣度，下次可以挑戰高一級小小辣。湯底好濃厚，唔算肥膩，好味道（最重要之後冇口渴）。紅薯粉正常。腩肉尚算大件及有啲厚度，唔會碎濕濕，而且鹵水幾入味。魚腐當然用嚟索啲湯一齊食啦。大腸豬耳小鍋米線（$49）凍檸茶（+$3）清湯湯底同樣唔肥膩，調味足但唔過咸。米線正常。大腸鹵水入味，冇臭味。豬耳爽口，肥位少。下午茶時段，凍熱飲品加$3。