Chill Vietnam Cuisine and Bar

營業中

休息中

呢一晚諗唔到食乜，去咗屋企附近嘅D2商場，發現左一間新開嘅越南菜，就決定行入去試下。餐廳裝修風格走文青風格，座位寬敞舒適，新開張事業期間免收加一，都幾抵食。兩個人叫左三碟餸，分別係炙燒虎蝦鮮芒米紙卷，白夏酸子鮮魚窩同家鄉燒豬腩肉伴檬。個人比較推薦炙燒虎蝦鮮芒米紙卷同家鄉燒豬腩肉伴檬，前者用料充足，虎蝦夠新鮮，爽口彈牙，而且食到炙燒嘅果一種焦香味，芒果鮮甜多汁，再加上其他配菜，令個米紙卷食落好清新，後者連一個石鍋上菜，令個湯可以保持溫度一段時間，而且調味好好，食到越南菜果種酸甜清新嘅味道，豬腩肉多而不膩，可能都有燒過下有種焦香嘅味道。總計兩個人賣單$294，免收加一之下都幾抵食，不過呢個係新張優惠，唔知會做幾耐。