喜記避風塘炒辣蟹 (謝斐道)

營業中

休息中

又到咗食蟹既季節啦！！約埋一班蟹迷朋友齊齊去喜記避風塘炒辣蟹刷返餐～位於灣仔謝斐道，地點位置都幾方便易搵～餐廳環境寬敞，裝潢古色古香，簡潔企理，好岩一大班朋友或者家庭聚餐～4人同行單點大菜牌88折優惠好抵！！咁岩今晚我地有4個人～咁抵食，一於叫多幾款菜式開心SHARE～招牌避風塘炒辣蟹 ，中蟹SIZE ，殼薄肉鮮，即叫即做，夠哂新鮮～蟹肉鮮甜味美，混合蒜香、辣椒等同炒，鑊氣十足，熱辣辣上枱真係睇到流哂口水！！薑蔥炒野生大肉蟹，野生大肉蟹的確係唔同D！食落特別鮮香～炒至惹味又乾身，帶出蟹肉鮮甜味，鹹鮮可口好高質！椒鹽特大瀨尿蝦，先將瀨尿蝦油炸，再將炒香之辣椒、蒜茸等爆炒，外殼香脆沾滿椒鹽，內裡蝦肉鮮甜多汁～避風塘粉絲蒸聖子皇， 聖子皇大大隻好新鮮！入口爽滑彈牙，以避風塘製法特別滋味～油鹽水浸蜆，簡單調味最能突出食材鮮味，每啖都食到蜆既鮮甜味～燒鵝瀨粉，鵝肉入口鬆化甘香，一啲都唔韌，瀨粉軟滑仲索滿湯既清香～呢間喜記避風塘炒辣蟹菜式選擇多，有鑊氣之餘環境又坐得舒服，好岩一班朋友聚餐！灣仔謝斐道379-389號特麗樓地下1-4號舖（問月酒店對面）電話：28937565營業時間：中午12:00-