好易食

營業中

休息中

今日同朋友去咗中環happy hour，飲完酒之後就決定咗去SOHO入邊睇吓有啲咩好食，見到呢一間酒吧入邊都有好多人，同埋見到佢本身都有唔同嘅嘢食可以選擇！我同朋友就決定入去下場繼續！我哋叫咗幾款唔同嘅小食，其中比較推介嘅有佢嘅Beef Taco! 呢個傳統墨西哥嘅小食，估唔到呢一間酒吧都做得幾好食，佢用咗牛肉碎同埋唔同嘅墨西哥醬汁同埋材料，送酒perfect! 佢嘅墨西哥薄餅，極度非常好食，成個配搭都唔錯！佢嘅炸雞亦都非常好食，佢嘅炸雞係冇骨嘅，點埋佢本身酸酸地嘅醬汁，令人非常開胃，而且一份炸雞有七件，份量嘅比例相對出邊都比較多，所以都可以話係非常抵食，炸雞即叫即做，咬落去仲有熱辣辣嘅感覺，而且唔會炸得太乾，識落口嘅時候都仲有Juicy嘅口感!另外我哋叫咗一個steamed gyoza, 餐廳用佢嘅特別嘅醬汁再加埋餃子，食起嚟都非常開胃，有柚子嘅香味，正！我哋就叫咗一個vodka base既cocktail, 飲落去有啲芒果同埋椰子味嘅組合，味道都非常特別，而且酒精嘅含量唔係太高，唔使驚飲醉！有機會再返嚟試吓餐廳其他嘅食物同埋飲品，店員亦都非常有禮貌，very good!!