Kyoto Joe (已搬遷) 新店位置

小三之前已經話嚟試，我唔得閒所以冇嚟，今日又滿足佢願望嚟到喇由於訂咗位，上到門口，個知客話冇我地資料，要查一查先......點知啱啱有兩個客人離開，佢就顧住同客人吹水，而無視我地，之後客人搭𨋢離開，小三用手機比個通知佢睇，佢先話係，我冇睇到。安排好坐位之後，我差唔多11點先食完早餐，一個 set 應該食唔起，小三又話食唔到咁多，不如散叫啦。咁全部都係小三話事，佢發版。京都壽司拼盤，真係冇咩特別，只有特別貴，同埋對蝦特別乾。煎餃子，皮唔算脆之餘，餡料入面只係食到韮菜味，餡入面包住咩食唔出，仲要乾身冇汁。燒銀雪魚，炭咁樣喎，仲要係微暖嘅添。早知一餐高級日本料理係比鬼同遊客食，我地就寧願叫個 set 食，就算食唔晒，感覺上都冇咁笨呀。