影片
更多
2024-02-02
1176 瀏覽
[ Quiero Más ]蘭桂芳附近有好多唔同國家菜式嘅餐廳，呢間主打西班牙、希臘、意大利等地中海地區🇪🇸🇬🇷🇮🇹嘅菜餚。✿ Quiero Más Sangria $98/glass🍷🥂開餐前叫返杯酒飲下。香甜嘅西班牙傳統水果酒，以紅酒/白酒加入白蘭地、水果等調和，非常易入口。✿ Festive Tasting Menu $498/位套餐有4道菜：頭盤、前菜、主菜及甜品。To Start 頭盤（1）Ibérico Paletilla Ham 36-months 🇪🇸🐷36個月西班牙伊比利亞黑毛豬風乾火腿以手工切割成一片片，肥瘦均勻，配新鮮番茄蓉🍅麵包，入口咸香帶甘甜果味。（2）Hamachi 🐟厚切肥美嘅油甘魚刺身以香草🌿及橄欖油🫒等西班牙方式醃製，伴上微酸西班牙沙律醬汁，食完幾開胃。To Warm Up 前菜（1）Signature Truffle & Cheese Bikini 🥪松露芝士迷你三文治焙得香脆，配埋濃厚黑松露及拉絲芝士🧀，非常香口。（2）Perfectly Pink-ish 🍤大蝦以橄欖油🫒、辣椒🌶、蒜蓉🧄等配料煎香，蝦肉鮮甜結實，配以香脆麵包🍞，索盡蒜蓉辣汁。Th
蘭桂芳附近有好多唔同國家菜式嘅餐廳，呢間主打西班牙、希臘、意大利等地中海地區🇪🇸🇬🇷🇮🇹嘅菜餚。
✿ Quiero Más Sangria $98/glass🍷🥂
開餐前叫返杯酒飲下。香甜嘅西班牙傳統水果酒，以紅酒/白酒加入白蘭地、水果等調和，非常易入口。
✿ Festive Tasting Menu $498/位
套餐有4道菜：頭盤、前菜、主菜及甜品。
To Start 頭盤
（1）Ibérico Paletilla Ham 36-months 🇪🇸🐷
36個月西班牙伊比利亞黑毛豬風乾火腿以手工切割成一片片，肥瘦均勻，配新鮮番茄蓉🍅麵包，入口咸香帶甘甜果味。
（2）Hamachi 🐟
厚切肥美嘅油甘魚刺身以香草🌿及橄欖油🫒等西班牙方式醃製，伴上微酸西班牙沙律醬汁，食完幾開胃。
To Warm Up 前菜
（1）Signature Truffle & Cheese Bikini 🥪
松露芝士迷你三文治焙得香脆，配埋濃厚黑松露及拉絲芝士🧀，非常香口。
（2）Perfectly Pink-ish 🍤
大蝦以橄欖油🫒、辣椒🌶、蒜蓉🧄等配料煎香，蝦肉鮮甜結實，配以香脆麵包🍞，索盡蒜蓉辣汁。
The Main Event 主菜
（1）QM Signature Suckling Pig 🇪🇸🐷
招牌西班牙乳豬以香草等調味料醃味，再以低溫方法慢煮，外皮超脆而肉質軟嫩多汁。
（2）Signature Seafood Paella Barcelona 🇪🇸🥘
西班牙巴塞隆拿海鮮燉飯以原個飯鑊🥘烹調，非常足料。海鮮有海蝦🦐、青口、大蜆及魷魚🦑。西班牙米飯有顆粒感，煙韌有咬口，鑊底有少少飯焦好香口，每啖飯都有海鮮精華。
A Sweet Finale 甜品
Basque Burnt Cheesecake 🍮🍨
甜品係巴斯克芝士蛋糕配雜梅雪葩，更有一小杯以伏特加為基礎嘅檸檬雞尾酒🥃作句號。
總結🫦
餐廳供應嘅都係地中海地區經典菜餚，而且裝潢時尚，帶點藝術風格，幾適合約會聚餐。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Quiero Más
地址：中環威靈頓街2-8號威靈頓廣場M88 20樓
電話：2383 0268
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
