影片
更多
2008-08-06
19 瀏覽
一心諗住係得elements開的店舖, 應該都唔會差得去邊啦, 點知.....只有一個美好的裝潢.1. 企咗係門口等帶位啦, 點知係冇人理o架, 係要行入去舖頭, 等啲職員見到你, 先會為你帶位 (唔知係唔係呢間餐廳特登呢?或者其實係要自己搵位, 只係我唔知呢?)2. 叫嘢食啦, 啲職員都算有禮貌, 幾nice, 好肯講解啲餸菜係咩嚟. 不過係中途發生咗段好搞笑的事呢, 話說間離枱的人客投訴啲碟全部都是崩的, 要求更換, 但職員竟然話全部都係有少少崩, 同人客say sorry, 跟住望吓自己嗰啲, 果然都係崩喎, 莫非爛碟都係呢間舖頭的特色? 可知道呢啲小事都會影响顧客對間舖的perception....3. 食物嚟啦....- 酸辣蝦沙律: 係辣辣哋, 但點解咸到飛起......-炸蝦餅: 全晚最好食的餸菜, 脆得嚟又彈牙, 但點解得三件咁大把呢....-生牛肉湯河: 只可以講句, 冇咩味道的湯河囉, 雖然啲牛肉幾新鮮-咖喱魚頭: 自從上次去完星加坡後, 對此味餸念念不忘, 見到呢到有加上係廚師推介, 梗係叫嚟食吓啦. 點知, 個魚頭只係得半個, 仲要冇咩肉食, 加上魚頭又唔夠淋
1. 企咗係門口等帶位啦, 點知係冇人理o架, 係要行入去舖頭, 等啲職員見到你, 先會為你帶位 (唔知係唔係呢間餐廳特登呢?或者其實係要自己搵位, 只係我唔知呢?)
2. 叫嘢食啦, 啲職員都算有禮貌, 幾nice, 好肯講解啲餸菜係咩嚟. 不過係中途發生咗段好搞笑的事呢, 話說間離枱的人客投訴啲碟全部都是崩的, 要求更換, 但職員竟然話全部都係有少少崩, 同人客say sorry, 跟住望吓自己嗰啲, 果然都係崩喎, 莫非爛碟都係呢間舖頭的特色? 可知道呢啲小事都會影响顧客對間舖的perception....
3. 食物嚟啦....
- 酸辣蝦沙律: 係辣辣哋, 但點解咸到飛起......
-炸蝦餅: 全晚最好食的餸菜, 脆得嚟又彈牙, 但點解得三件咁大把呢....
-生牛肉湯河: 只可以講句, 冇咩味道的湯河囉, 雖然啲牛肉幾新鮮
-咖喱魚頭: 自從上次去完星加坡後, 對此味餸念念不忘, 見到呢到有加上係廚師推介, 梗係叫嚟食吓啦. 點知, 個魚頭只係得半個, 仲要冇咩肉食, 加上魚頭又唔夠淋, 跟本都拆唔開嚟食. 不過個咖喱汁都算ok 啦.
飲品: 叫咗杯咩菠蘿唔知乜特飲啦 (個名太難記啦). 味道幾好, 好清新開胃, 可能有菠蘿的關係啦. 可惜杯嘢飲太細杯啦, 冰都佔咗成三分二杯, 飲幾啖都冇哂.
4. 水.......點解水都要講? 因為呢部到係冇水供應o架. 話說我杯飲品飲完啦, 朋友食完嘢又想飲杯水啦, 問個職員啦, 職員話呢到啲水要收錢喎.....會唔會離譜啲呢. 茶餐廳都會俾杯水你做吓樣呀, 呢到要收錢!!!!!!!
總括嚟講, 冇下次囉, 冇水的餐廳呀 (p.s. 我記得啲水好似要成三十個大洋一杯o架, 有氣礦泉水喎).
張貼
