鍋居火鍋專門店 (已結業)

香港人打邊爐向來不分季節，只要想打全年隨時就緒。因為打得頻繁，久而久之人人都係食家💪 材料要新鮮高質，價錢要親民，環境氣氛要貼地！咁鍋居應該啱你喇！鍋居位於深水埗，同高登隔咗一條大街，遠離地鐵站（黃金商場出口行10-15分鐘）店內環境名副其實嘅™蝸居™，大部份枱係4人枱，枱食客個個背貼背，非常零距離。如果人多想要坐大枱嘅話，就要走去另一 鋪位坐。由店員帶路，穿過店面直到後巷再穿過廚房就到！空間係大咗，但鄰近馬路邊，隔音唔掂非常嘈吵，而且抽風唔太理想，所以愈食愈熱又愈來愈焗 但點解仲有咁多人嚟幫襯呢？原因係食品 ＋ 服務！前後幫襯咗兩次，再次幫襯嘅最大原因係開心 鍋居係散叫嘅火鍋店，由湯底、主食火鍋料到其他配料都逐碟計，店員阿姐阿叔唔會 hard sell 貴湯底，貴火鍋料，反而係從心出發，根據季節、個人口味推介，之前叫過一款即開椰子雞湯底，真係好正！其他火鍋料就逐一介紹，豐儉由人。佢哋唔會因為你點平嘢就黑面無視你，見你鍋面多油仲幫手飛走佢，行開行埋又會一齊有講有笑，盡力做到100分！火鍋料方面，海鮮最強 - 龍蝦、海蝦、象拔蚌、蟶子皇、大花甲樣樣新鮮，價錢公道。蝦膠彈牙份量足安格斯牛