燒扒屋

營業中

休息中

街坊小店嘅西餐廳，家庭式經營。餐牌上面有常餐，特餐等等唔同嘅選擇。價錢合理，無論想食豬牛雞定羊都有得揀。點咗個蜜汁燒豬扒拼司華力腸，因為小店經營嘅關係，彈性較大，詢問可否配上黑椒汁，店員都爽快答應。豬扒一塊大大塊，鋪滿成個碟面，質素非常可以。燒豬扒有微微嘅蜜糖甜味，仲有少少鐵板燒焦嘅味道。鍾意食鐵板嘅朋友可以試吓。呢個餐仲配上兩條大大條嘅司華力腸，足夠一般男仔嘅食量。另外一個點了牛柳配燒羊扒。牛柳生熟程度適中，無筋。雖然羊扒有少少燥味，但配上黑椒汁，食羊嘅朋友應該可以接受。每一個餐都跟一杯嘢飲，非常抵食。總括而言，食物質素加上價錢性價比高。