老媽拌麵 (將軍澳中心)

營業中

休息中

行開將軍澳廣場見未試過呢間老媽拌麵，就同朋友走咗入去試。朋友同我都點左佢哋嘅招牌拌麵。朋友點左個素拌麵，我就點咗佢哋嘅麻辣牛肉拌麵。其實我點嗰個麻辣牛肉拌麵味道唔錯，佢哋用嘅麻辣醬都唔錯。可惜牛肉就真係唔係咁出色，唔係靭但係都唔滑淋。專程試吓佢哋嘅刀削麵，打開佢哋嘅刀削麵外型幾靚，每條面都有波浪嘅裙邊。但係就比較硬咗啲，麵中央嘅位置有少少生骨嘅感覺，唔知係佢哋專登整到咁，定係真係煮唔夠時間。我同朋友都覺得佢哋個刀削麵硬咗啲，可以再煮多一陣。我哋仲點做個炸地瓜球，佢哋橙色嘅地瓜球入邊係會配朱古力夾心。但可惜地瓜球本身番薯味唔夠出，朱古力夾心又唔係太有朱古力味。炸地瓜球係好煙靭，好有趙口，但味道就一般。