冒喜 (柏廷坊)

營業中

休息中

跟着朋友搵食一定冇錯，今次去到中環!估唔到隱蔽，嘅大廈入邊竟然有間咁華麗嘅四川餐廳而且食嘅仲好符合香港嘅OL，好鍾意食粉麵嘅我見到都心花怒放。餐廳華麗的裝修，食着的是四川風味，食法好似我哋香港嘅車仔麵咁先揀湯底再揀面底再可以選擇想食嘅餸菜。今次嘅湯底我揀咗黃金酸菜湯同生椰蕃茄湯，呢個生椰蕃茄湯仲要係新出架。湯底酸的，但係有椰子嘅香味其實好新奇特別。從來沒有想像過椰子配蕃茄湯底都比我飲咗一大半。而黃金酸菜湯也是一貫嘅酸菜香氣，配麵食越食越開胃。餸菜揀咗潮汕手搥牛肉丸啦，萵筍啦，黑毛肚啦，娃娃菜啦，五花腩片，魚腐啦，蟹柳啦同冰豆腐。牛肉丸高質啊食落去鮑汁而且食得出好香牛肉味，感覺到絕大部份都係純牛肉製成。黑毛肚同冰豆腐都係吸湯的材料，吸晒所有湯汁簡直一流。小食揀咗藤椒魚皮，涼拌嘅嘢冇得輸，又香又麻，又有少少辣，魚皮爽口。到最後食得辣辣地，加多咗杯酸梅青檸烏龍茶。絕對解辣解利。今次嘅體驗非常之新奇有趣，而且裝修又靚絕對推介。也是幸福的一個午餐。