影片
更多
2024-10-08
646 瀏覽
再訪位於西營盤既西班牙菜La Paloma！鍾意佢地菜式味道正宗之餘飲品選擇多，今次就揀咗不同款式Tapas同朋友慢慢飲酒傾計，享受西班牙小酌之夜🥰🔸白鳳尾魚、脆薯片、香辣檸檬配紅甜椒油鯷魚愛好者必點🏅香脆薯片上排好一條條白鳳尾魚柳，鹹香味道配合酸甜檸檬果香及紅甜椒油辣勁，味道層次相當豐富，係伴酒好選擇🍺🔸酥炸忌廉球西班牙著名小吃酥炸忌廉球有伊比利亞火腿及蘑菇兩款口味，可以單件起下單。每一件忌廉球炸至金黃，但裏面保持濕潤Creamy口感，食多幾件都唔怕膩🙆🏻♀️🔸豬肉釀魷魚配龍蝦汁從是日精選餐牌中揀咗一款較少見菜式！魷魚裏面釀滿豬肉後切成一件件，再用龍蝦汁烹煮，口感彈牙充滿鮮味；旁邊薯條亦大大增強口感，一齊食更加惹味🤤🔸傳統華倫西亞雞肉、迷迭香配青豆及雅枝竹燴飯食西班牙菜唔少得重頭戲paella，呢度就可以食到正宗風味🇪🇸燴飯用鑄鐵淺鑊烹煮，飯粒分明硬度適中，鍋底一層飯焦帶微微焦香。雞肉、青豆及雅枝竹配合迷迭香香氣，味道濃郁份量又多，最適合同朋友分享！🤤
再訪位於西營盤既西班牙菜La Paloma！鍾意佢地菜式味道正宗之餘飲品選擇多，今次就揀咗不同款式Tapas同朋友慢慢飲酒傾計，享受西班牙小酌之夜🥰
🔸白鳳尾魚、脆薯片、香辣檸檬配紅甜椒油
鯷魚愛好者必點🏅香脆薯片上排好一條條白鳳尾魚柳，鹹香味道配合酸甜檸檬果香及紅甜椒油辣勁，味道層次相當豐富，係伴酒好選擇🍺
🔸酥炸忌廉球
西班牙著名小吃酥炸忌廉球有伊比利亞火腿及蘑菇兩款口味，可以單件起下單。每一件忌廉球炸至金黃，但裏面保持濕潤Creamy口感，食多幾件都唔怕膩🙆🏻♀️
🔸豬肉釀魷魚配龍蝦汁
從是日精選餐牌中揀咗一款較少見菜式！魷魚裏面釀滿豬肉後切成一件件，再用龍蝦汁烹煮，口感彈牙充滿鮮味；旁邊薯條亦大大增強口感，一齊食更加惹味🤤
🔸傳統華倫西亞雞肉、迷迭香配青豆及雅枝竹燴飯
食西班牙菜唔少得重頭戲paella，呢度就可以食到正宗風味🇪🇸燴飯用鑄鐵淺鑊烹煮，飯粒分明硬度適中，鍋底一層飯焦帶微微焦香。雞肉、青豆及雅枝竹配合迷迭香香氣，味道濃郁份量又多，最適合同朋友分享！🤤
張貼
