Lobster Une (已搬遷) 新店位置

平日同朋友一齊入到西貢郊遊，難得人流比較少， 可以慢慢發掘平時排隊等到天荒地老嘅餐廳。每次入到西貢嘅第一感覺一定係食海鮮， 而今日都唔例外，食到期待已久嘅龍蝦包。望到餐廳大大個招牌，原來係主打龍蝦海鮮主題嘅餐廳！開放式bar table 設計裝修佈滿neon lighting比較似美式玩味，但店員話樓上包廂係走英式精緻餐飲，樓下較chill會以美式休閒餐飲為主。菜式就融入返本地人口味，除咗西餐仲有特色咖啡同酒。當日叫咗個二人lunch set 包咗兩個前菜同兩個主菜，包括必try嘅Lobster Bread 鳄Pizza Combo！隨餐仲會附送甜品生果凱撒沙律牛油果加新鮮嘅沙律菜， 配上輕怡嘅千島醬，唔會太膩又醒胃。炸軟殻蟹好有驚喜嘅一道前菜，將軟殻蟹炸得皮薄而且脆，而且又keep 到蟹肉同膏嘅濕潤，最緊要係襯熱食！ 龍蝦薄餅薄仔細細，兩個人食份量岩岩好。龍蝦肉足料而且pizza 醬調得同龍蝦肉好夾。龍蝦包包焗得鬆軟，而且牛油香味十足。龍蝦包餡料用咗以青瓜做主調嘅creamy 醬汁，食落好清新唔會有飽滯感。迷你Tiramisu 隨餐附上嘅甜品，少甜岩岩好。