影片
更多
2020-04-16
88 瀏覽
一向知觀塘工業區有好多隱世美食，細心選擇下，果然冇錯。看到菊月町門面裝修充滿傳統式簡約風，加上主打Omakase，忍唔住走入去嚟個大決戰。安頓好之後，我地點咗“焰月”Omakase。侍應妹妹先詢問一下我地有冇邊D嘢係唔食，當然冇啦，然後就好戲開始上演。三位師父各施其職，有負責壽司刺身，亦有一位專責鐵板燒。睇住佢地用心為客人泡製美食，熟練嘅手法隨咗型之外，搵唔到其他形容詞。等咗一陣，終於上菜喇。首先係冰菜豆腐配雲丹醬，豆腐冰涼清身，配上雲丹醬（海膽汁），淡淡海膽味唔算濃，作為開胃菜絕對合適。之後係間八魚刺身配青瓜醋加海葡萄，魚片偏淡清甜，配上青瓜醋嘅微酸同海葡萄嘅微咸，入口配搭好新鮮，幾種味道好均勻。跟住到魚籽醬配黑䲞，黑䲞肉質煙韌鮮甜，配上魚籽醬的咸味，發揮咗提鮮作用。之後係深海池魚配三文魚籽，池魚口味偏淡，三文魚籽咸味偏重，亦一有種鮮甜味，配搭起嚟比之前菜式味道濃啲，另一種風味。跟住有金目鯛配薑蓉芥末籽，面頭再加辣椒絲，清甜嘅刺身配上幾種唔同程度感覺嘅辛辣，口感好特別，由其係辣辣絲，微辣而有一種啖啖嘅辣椒香味。之後係拖羅刺身加紫蘇葉紫菜卷，拖羅一直係我至愛，魚鮮味配上紫蘇葉帶有梅子嘅
安頓好之後，我地點咗“焰月”Omakase。侍應妹妹先詢問一下我地有冇邊D嘢係唔食，當然冇啦，然後就好戲開始上演。三位師父各施其職，有負責壽司刺身，亦有一位專責鐵板燒。睇住佢地用心為客人泡製美食，熟練嘅手法隨咗型之外，搵唔到其他形容詞。
等咗一陣，終於上菜喇。首先係冰菜豆腐配雲丹醬，豆腐冰涼清身，配上雲丹醬（海膽汁），淡淡海膽味唔算濃，作為開胃菜絕對合適。
之後係間八魚刺身配青瓜醋加海葡萄，魚片偏淡清甜，配上青瓜醋嘅微酸同海葡萄嘅微咸，入口配搭好新鮮，幾種味道好均勻。跟住到魚籽醬配黑䲞，黑䲞肉質煙韌鮮甜，配上魚籽醬的咸味，發揮咗提鮮作用。之後係深海池魚配三文魚籽，池魚口味偏淡，三文魚籽咸味偏重，亦一有種鮮甜味，配搭起嚟比之前菜式味道濃啲，另一種風味。跟住有金目鯛配薑蓉芥末籽，面頭再加辣椒絲，清甜嘅刺身配上幾種唔同程度感覺嘅辛辣，口感好特別，由其係辣辣絲，微辣而有一種啖啖嘅辣椒香味。之後係拖羅刺身加紫蘇葉紫菜卷，拖羅一直係我至愛，魚鮮味配上紫蘇葉帶有梅子嘅味道，非常醒胃。
之後就到鐵板燒師父大顯身手，先嚟嘅係金鯛魚鐵板燒配忌廉汁，魚嘅做法好特別，魚鱗揭起煎脆，入口香得好緊要，魚鱗一塊塊感覺好得意，點埋啲忌廉汁有一種好濃厚嘅感覺，同剛才嘅刺身有好大對比。然係嚟一碟漬物清一清口味，一共三種，包括牛蒡，麵鼓（我估）蒜頭同醃蕎頭，全部酸酸甜甜，胃口又再大開。最後一道鐵板燒係芝士大蝦，蝦肉彈牙味濃，蝦頭嘅蝦膏好正好鮮味，蝦肉俾芝士包住味道夠晒濃，冇得輸。連蝦腳都獨立煎脆，可以食埋。之後會有一碗魚湯清新一下，換一換口味，就輪到壽司出場喇。
第一款為彷彿魚配山藥泥，魚嘅質感少少煙韌，加上山藥泥少少黏黏地，幾得意。之後有石鯛壽司，赤身壽司面頭有蛋白泡，雖然我食唔到蛋白泡嘅味道，但赤身嘅鮮味係無需懷疑嘅。之後一款叫藥師魚（唔知係咪咁叫）配蔥花，一向都覺得蔥花配刺身好夾好香，魚質幾特別，好滑好彈牙。最後兩款係大拖羅壽司同拖羅蓉手卷。大拖油脂分布均勻，入口即溶，而拖羅蓉手卷落足料，由頭到尾都包滿晒，超正。最後，師父奉上超甜蜜瓜作為本餐嘅終結。
全餐食得非常享受，除咗美食之外，眼睛未離開過師父對手，每一個動作都好細緻，好用心，呢個亦係Omakase其中一個重點。所以強烈推介大家試下。
張貼
