影片
更多
2024-06-02
18 瀏覽
《重房 - 銅鑼灣》今次介紹既呢間日本餐廳可以講話成為左我近期食過性價比最高既廚師發板日餐👍🏻講到咁犀利，當然有佢嘅原因，當晚一共食咗18道菜，當中包括前菜、刺身、壽司、手卷、熱食、海膽飯、濃湯同甜品，晚市食左咁多野都係人頭$1580，餐廳上至裝修、擺設，下至食材、食物擺盤都透露出餐廳老闆及廚師對做日料既心思同細心，由六點半邊食邊同師傅、店員傾下食經，唔覺唔覺食左足足四小時，成晚不單止味覺上得到滿足感，視覺上都令人大開眼界💪🏻以呢價錢黎講我絕對覺得值！如果想再抵玩啲，可以考慮book午市既套餐試下，同樣係廚師發板，雖然菜式無晚市咁多款，但人頭只須$580，食既必定係廚師挑選既時令野，有機會我都會黎試下個lunch set 啦前菜💁🏻♀️白酒啫喱蕃茄&醃漬南瓜前菜係比較清新嘅菜式，白酒製成嘅啫喱可以帶出到蕃茄嘅甜味，口味清爽，而醃漬南瓜就相對甜少少，但係南瓜肉粉嫩，好食👍🏻刺身💁🏻♀️原隻北海道紫針海膽呢道料理獨特既組合令人驚艷，用上原隻北海道當造既紫海膽搭配白蝦、三文魚子和法國caviar，清甜的味道令人夏天都感受到豐富既味蕾享受，上面仲放左食用銀薄裝飾，更增添左整體的高雅感💁🏻♀️清
今次介紹既呢間日本餐廳可以講話成為左我近期食過性價比最高既廚師發板日餐👍🏻講到咁犀利，當然有佢嘅原因，當晚一共食咗18道菜，當中包括前菜、刺身、壽司、手卷、熱食、海膽飯、濃湯同甜品，晚市食左咁多野都係人頭$1580，餐廳上至裝修、擺設，下至食材、食物擺盤都透露出餐廳老闆及廚師對做日料既心思同細心，由六點半邊食邊同師傅、店員傾下食經，唔覺唔覺食左足足四小時，成晚不單止味覺上得到滿足感，視覺上都令人大開眼界💪🏻以呢價錢黎講我絕對覺得值！如果想再抵玩啲，可以考慮book午市既套餐試下，同樣係廚師發板，雖然菜式無晚市咁多款，但人頭只須$580，食既必定係廚師挑選既時令野，有機會我都會黎試下個lunch set 啦
前菜💁🏻♀️白酒啫喱蕃茄&醃漬南瓜
前菜係比較清新嘅菜式，白酒製成嘅啫喱可以帶出到蕃茄嘅甜味，口味清爽，而醃漬南瓜就相對甜少少，但係南瓜肉粉嫩，好食👍🏻刺身
💁🏻♀️原隻北海道紫針海膽
呢道料理獨特既組合令人驚艷，用上原隻北海道當造既紫海膽搭配白蝦、三文魚子和法國caviar，清甜的味道令人夏天都感受到豐富既味蕾享受，上面仲放左食用銀薄裝飾，更增添左整體的高雅感💁🏻♀️清柳貝&象拔蚌
以清柳貝和象拔蚌為主，配搭左特製既豉油粉調味，展現出清新的海鮮風味，貝類爽口彈牙，令人回味無窮💁🏻♀️蜜柑鯛
經過四日熟成既蜜柑鯛搭配鮮柚子皮，帶來濃郁既果香同清新的口感，有種黏懦嘅感覺💁🏻♀️鮟鱇魚乾蘿蔔蓉配鱈魚乾
呢度菜式的確係好甘香💪🏻師傅大力推薦一定要盡快食☺️蒸熟咗嘅鮟康魚肝同蘿蔔製作成mousse狀，放喺燒脆咗嘅鱈魚乾上面，最後用咗日本食用花做裝飾，睇落好靚又好味道💁🏻♀️富山灣螢光魷魚
睇住師傅用火槍燒香啲螢光魷魚，係一道焦香味道濃郁既料理，配上五色芝麻碎同芽蔥，帶有微甜的感覺，食落有爆漿嘅口感，令人覺得驚喜💁🏻♀️長崎華𤂍小長井生蠔
搭配左紫蘇花、木魚水製作既土佐醋啫喱同清爽既蘿蔔蓉，蠔肉嘅味道爽口而且清甜，食完口內有餘香💁🏻♀️岩鹽大拖羅
大拖羅食落無筋，咬落肥美肉香，落咗少少鹽調味已經好好食，有入口即溶嘅感覺💁🏻♀️中拖羅
食完大拖羅刺身再食返一個有肉味又有油香嘅中拖羅手卷，落咗少少用蜆肉炒香咗既鹽調味，除咗中拖羅之外，入面仲有一片來自吞拿魚嘅稀有部位-腦天，同樣有少少鹽調味，再配有紫蘇葉，食落口感多層次熱食
💁🏻♀️金雕立鱗燒
呢一道菜係鯛魚立鱗燒配南瓜份子料理來的，黃色嘅部份係南瓜湯，咬開咗佢之後會有爆汁嘅感覺，味道甘香；而鯛魚本身嘅質感就係一疏疏好有肉味嘅魚肉，上面嘅魚鱗脆卜卜，每一啖都聽到索索聲，超級好食壽司
💁🏻♀️赤貝
口感爽脆肥厚，食落彈牙而且充滿海水味，十分新鮮💁🏻♀️炭燒深海池魚
網燒烤後帶有濃厚的油香，仲隱約微微嘅炭火香，口感肥美肉嫩，食完滿口油香💁🏻♀️赤身醬油漬
經過將油漬嘅赤身吞拿魚已經去除咗本身嘅鐵銹味，魚肉變得軟而且香甜，令人覺得開胃💁🏻♀️鯖魚
用上五色芝麻碎調味，更加帶出咗魚肉嘅香氣，酸酸地嘅味道令人覺得清香解膩💁🏻♀️北海道海膽飯
睇住師傅拎咗成盒海膽出嚟，真係好想成盒拎走佢😂海膽搭配海苔同沖繩淡雪鹽，米飯散發出香氣，彷彿置身於北海道既海岸邊，享受著住新鮮海膽既美味💁🏻♀️白身魚濃湯和奶油千層蛋糕
濃郁的魚湯和奶油千層蛋糕為整餐畫下完美的句點，魚湯係用咗多過10種材料製作，又鮮又甜，有種好滋潤嘅感覺，令讓人回味無窮，而奶油千層蛋糕都絕對唔馬虎，入面食到有車厘子果蓉，微微帶酸中和番忌廉嘅甜膩
張貼
