潮盛館

營業中

休息中

近來新蒲崗多左d新商場，而佢哋周邊都好多食肆，我同老公就去左間新開嘅潮州餐館食晚飯。餐館好乾淨，非常光猛，餐牌種類又多，價錢合理，老公發辦叫左幾樣嘢。蠔仔粥 (窩)：食潮州嘢必叫主食，蠔仔新鮮，大隻，鮮味十足。最驚喜就係蠔仔多過粥，真材實料，正！生炸BB乳鴿：剛炸起，熱辣辣。皮薄咬落脆，香口。話就話BB乳鴿，但size都唔算太細，啖啖肉。乳鴿已調味，淮鹽都唔駛點，送粥之選。生啫白鱔煲：白鱔已爆香，配料有薑、蔥、小洋蔥同蒜頭等，唔腥。整體惹味，肥美，夠入味。用砂煲上，食都最後果件都仲係熱，幾好。