影片
更多
2023-02-07
76 瀏覽
今日放工又去屯門置樂揾食，呢間已經bookmark左好耐，今日為左慶祝完成忙碌既一週就去左食。佢門面好吸引，完全望唔到入面，好有神秘感。入到去都幾有氣派，中間個“泓”字好有氣勢，配合前面既鐵板燒格局，同埋圍住鐵板燒坐既bar枱,都好有氣勢。場內座位唔算太大，大約可容納10人，都幾夠私隱度。另外，呢度都可以包場做一啲private party,有埋backdrop添。今晚我地食左： ＜日本帆立貝牛柳二人套餐＞（$998）🔸️茶碗蒸 （8.8／10）蛋十分之滑，都十分鮮味。 🔸️日本帆立貝 （9／10）呢個燒帆立貝十分之好味，佢加牛油同清油一齊燒，帆立貝鮮甜而且肉質厚實，配埋蟹籽超好味，記住飲埋最尾嗰啖精華😋😋 🔸️廣島蠔 （9／10）每人兩隻燒廣島蠔都超級好味，外面煎得脆，入面仍然保留廣島蠔既肉汁同鮮味，咬落去爆汁！十分正！ 🔸️美國安格斯牛柳（8.5／10）有6份美國安格斯牛柳粒加一堆炸蒜，牛肉有肉感又夠juicy，配埋炸蒜係十分惹味。 🔸️黃金炒飯 （8.5／10）呢個黃金炒飯炒得好好，粒粒珍珠米都包住黃金色既蛋液，食落乾身有鑊氣，配合埋啲海鮮同葱粒好難停到口。 🔸️季節雜菜 （8.5／10）椰
＜日本帆立貝牛柳二人套餐＞（$998）
🔸️茶碗蒸 （8.8／10）
蛋十分之滑，都十分鮮味。
🔸️日本帆立貝 （9／10）
呢個燒帆立貝十分之好味，佢加牛油同清油一齊燒，帆立貝鮮甜而且肉質厚實，配埋蟹籽超好味，記住飲埋最尾嗰啖精華😋😋
🔸️廣島蠔 （9／10）
每人兩隻燒廣島蠔都超級好味，外面煎得脆，入面仍然保留廣島蠔既肉汁同鮮味，咬落去爆汁！十分正！
🔸️美國安格斯牛柳（8.5／10）
有6份美國安格斯牛柳粒加一堆炸蒜，牛肉有肉感又夠juicy，配埋炸蒜係十分惹味。
🔸️黃金炒飯 （8.5／10）
呢個黃金炒飯炒得好好，粒粒珍珠米都包住黃金色既蛋液，食落乾身有鑊氣，配合埋啲海鮮同葱粒好難停到口。
🔸️季節雜菜 （8.5／10）
椰菜芽菜炒得好嫩，脆身感覺。加埋鰹魚片好有日本風味。
🔸️麵豉湯 （8／10）
🔸️生果盆（8／10）
✏️總括而言，坐得舒適又無限時，價錢親民得黎又燒得幾有水準。
6 瀏覽
0 讚好
0 留言
張貼
