潮盛館

營業中

休息中

約咗朋友放工後去食潮州菜，叫咗以下幾款菜式:潮盛滷水鵝片 - 鵝片滷得入味，鵝肉食落唔柴有油香，墊底嘅豆腐同樣滷得入味。豉椒炒鵝腸 - 鵝腸食落爽脆唔會韌，配上又香又惹味嘅豉椒汁，好食。啫啫水庫白鱔煲 - 白鱔份量都唔少，魚肉爽彈，並以蒜頭、蔥及中芹等料頭爆香，很惹味。啫啫炒芥蘭 - 芥蘭加上蝦米、肉碎及鹹魚一同爆炒，令芥蘭爽脆之餘，添上咸香鮮味。順德炒米麵 - 炒米麵原來係指米粉和粉絲，配上魷魚、蝦仁、雞蛋及中芹等一齊炒，呢個組合清清哋幾好。招牌鹹魚生煎肉餅 - 肉餅煎得香口，食到啖啖鹹魚香氣，又惹味又餸飯。冰雪芒果梳打(椰子雪糕) - 估唔到椰子雪糕溝埋芒果梳打又幾夾，椰子雪糕味道幾香濃。熱檸檬水、凍檸檬茶 - 檸檬切得厚身，唔似平時茶記嗰啲咁薄，檸檬味就更突出。