菊月町

營業中

休息中

📍喺觀塘收工或者聚會好推介嚟菊月町食飯！夜晚會有食壽司或者鐵板燒嘅omakase，今次就試咗鐵板燒，最平嘅價錢由$438起，非常高質又食到飽！前菜會有柚子沙律、烤魚乾同茶碗蒸，等我哋食完之後廚師就會開始煎銀鱈魚同埋廣島蠔。銀鱈魚牛油味好出，廚師連魚皮都會分開煎，食落勁脆口。廣島蠔夠大粒飽滿，個底仲會配上香蔥煙肉碎，更加惹味。再下一道菜就係煎虎蝦，蝦肉啖啖肉又爽口，最驚喜喺呢度煎到蝦殼都好香脆，可以食埋落肚。鐵板燒嘅主菜我哋就分別揀咗牛板腱同埋安格斯薄燒，牛板腱煎至五成熟再配埋特調嘅紅菜頭蓉，食落幾清新特別又幾夾！牛肉薄燒入邊就配咗炒蔥蒜粒，食落會比前者濃味。食完之後仲會有煙肉炒飯、蒜蓉炒雜菜、湯同甜品，真係食過最飽嘅omakase。