菊月町 (已搬遷) 新店位置

好耐冇食鐵板燒了，因為價錢太貴，下下都夾成千蚊，食得豪都有D肉痛。最近又比我為食妹搵到間高質平民價日式料理，餐廳細細，似居酒屋，但估唔到有sushi bar omakase 同鐵板燒！我第一試菊月町，地點算方便，地鋪一眼見到。打開menu，選擇有套餐、單點，居酒屋食品、酒類亦多。見到鐵板燒六百幾兩位，唔係化，晚市都咁扺，梗係一試la!鐵板燒好睇大廚功力，當場響客人面前表現都直回票價，見到大廚好有heart！Menu個set唔算多野食，但都夠女仔胃口，加上我地邊講邊食又飲酒。燒蠔同薄牛都有驚喜，燒得好香口，反而雜菜味道清淡D。地方細細但Full house，要預早book位先得架！