影片
更多
2024-10-11
298 瀏覽
話說最近發現六両三開左觀塘店，出埋火鍋套餐好似幾吸引咁，呢晚趁男朋友收工就捉左佢陪我去試，野食水準仍然咁高質，性價比好高，新店裝修仲花左唔小心思，牆身有靚靚油畫，又掛上燈籠，幾有台灣特色，仲要坐得好舒服。❀一人一鍋超值套餐❀可以自選肉類，會再有丸子拼盤、雜菜盤+主食。肉類揀左美國Prime牛頸脊，有適量油花，肉質鮮嫩爽滑，牛肉味濃郁，薄薄地咁好快淥熟。雜菜盤有粟米、蕃茄、金針菇等等，令到個湯底特別鮮甜。另外仲加左蛋餃，肉餡用上新鮮豬肉包，好有鮮味，餃子皮加入蛋汁，蛋味香濃。❀紅燒牛肉麵❀湯頭味道濃郁，牛肉大大塊又軟腍，煮到好入味，面條都幾有咬口，呢個面嘅份量都幾多，食完都飽飽地。❀皮蛋豆腐❀有少少溏心嘅皮蛋配上凍豆腐，再淋上甜甜地嘅台式醬汁及木魚片，係好好味嘅消暑小食。❀鹹酥雞❀細細粒咁樣，炸漿唔係好厚，食落好香口又惹味。❀桂蜜躺雪山❀跟餐加$28就可以食到，見平平地就試吓，芋圓夠晒Q彈又煙韌，仙草滑溜，配埋甜甜地嘅紅豆，正。❀台式飲品❀飲品可以揀甜度同埋走冰，款式都幾多，冬瓜茶同埋杞子桂花物都係甜甜地咁。
出埋火鍋套餐好似幾吸引咁，
呢晚趁男朋友收工就捉左佢陪我去試，
野食水準仍然咁高質，性價比好高，
新店裝修仲花左唔小心思，
牆身有靚靚油畫，又掛上燈籠，
幾有台灣特色，仲要坐得好舒服。
❀一人一鍋超值套餐❀
可以自選肉類，
會再有丸子拼盤、雜菜盤+主食。
肉類揀左美國Prime牛頸脊，
有適量油花，肉質鮮嫩爽滑，
牛肉味濃郁，薄薄地咁好快淥熟。
雜菜盤有粟米、蕃茄、金針菇等等，
令到個湯底特別鮮甜。
另外仲加左蛋餃，
肉餡用上新鮮豬肉包，好有鮮味，
餃子皮加入蛋汁，蛋味香濃。
❀紅燒牛肉麵❀
湯頭味道濃郁，牛肉大大塊又軟腍，
煮到好入味，面條都幾有咬口，
呢個面嘅份量都幾多，食完都飽飽地。
❀皮蛋豆腐❀
有少少溏心嘅皮蛋配上凍豆腐，
再淋上甜甜地嘅台式醬汁及木魚片，
係好好味嘅消暑小食。
❀鹹酥雞❀
細細粒咁樣，炸漿唔係好厚，
食落好香口又惹味。
❀桂蜜躺雪山❀
跟餐加$28就可以食到，
見平平地就試吓，
芋圓夠晒Q彈又煙韌，
仙草滑溜，配埋甜甜地嘅紅豆，正。
❀台式飲品❀
飲品可以揀甜度同埋走冰，
款式都幾多，
冬瓜茶同埋杞子桂花物都係甜甜地咁。
張貼
