六和冰室

營業中

休息中

今晚約左個朋友係觀塘食飯，周圍都太多人，搵極都冇位，行行下就見到呢間餐廳有位，仲要係食我最中意的雞煲!!!一入到餐廳，個裝修好特別、好有特色，有香港的街景做背景，又有扮冰室的牆紙。侍應都好好，好快就過來介紹有得叫小菜、雞煲同埋爐魚。我地叫左雞煲，係按人頭計，每位$198，可以另外叫11種打邊爐的材料，當然再加就須另外收費，不過其實我同我朋友都已經食到好飽，唔需要再外加。先上枱的係雞煲，好足料又好夠味，啲雞啖啖肉，啲洋蔥又吸哂啲味，好正。之後來的11樣材料我都唔係好記得清楚，我大概叫左皇帝菜、生菜、薯粉、肥牛、豚肉、炸響鈴、炸魚皮、腸仔、雲吞等等。大多數都十分新鮮，份量唔知係咪按我地2個人咁比，所以唔多唔少，岩岩好又唔會浪費。整體黎講，值得推薦。