菊月町 (已搬遷) 新店位置

今晚係屋企附近比我發現左呢間係工廠區入面既高質日本野，主打廚師發辦鐵板燒！超耐無食鐵板燒，就同媽媽去食喇。呢度好好生意，吧台坐滿人，我地唯有坐下面既四人台。呢度有兩款傳統Omakase，分別係爍雨（$1380）、焰月（$980），有齊前菜、壽司、刺身、手卷、甜品。另外一款就係全套都係鐵板燒，$528有二人份量，咁抵我地就當然揀左呢款，再另外加左刺身8點（$288）。首先上既係胡麻醬沙律同埋昆布湯開開胃。鱈魚，啱啱燒起既鱈魚熱辣辣。用左適量鹽同胡椒，啱啱好帶出鱈魚既鮮味！肉質嫩滑，仲有啲膠質添。廣島蠔，配埋啲蒜炒櫻花蝦，味道十足，好惹味！廣島蠔煎完既外皮入面係超滑溜既蠔肉，一啲都唔腥！鵝肝多士，多士用牛油煎過微脆，上面係入口即溶，而且飄來陣陣引人入勝既香氣既鵝肝，口感超豐富！薄切安格斯牛肉，有四件，入面包住啲生蒜。外面油潤，入面爽脆，非常特別。菊刺身，呢個另加既刺身拼盤，分別有三文魚、牡丹蝦、油甘魚、八爪魚、吞拿魚赤身、帶子、鯛魚。份量十足，好鮮，無雪藏味，好厚切，啖啖口，大滿足！炒雜菜，分別有芽菜、紅蘿蔔絲、椰菜、小棠菜，另外上四塊雞髀菇。雜菜切絲，所以啖啖都有唔同既菜。味道好有牛油香