影片
更多
2022-12-22
160 瀏覽
介紹返💁🏻♀️。。🇨🇳 酸菜魚 在鰂魚涌 🇨🇳。隨心 With Your Mind。海光街12號地舖。招牌酸菜魚 Signature Pickled Vegetable Fish。HKD198 + 10% @ 二人份。HKD338 + 10% @ 四人份避風塘生蠔 Typhoon Shelter Oysters。HKD168 + 10%欖菜肉鬆四季豆Green Beans with Pork Floss。HKD80 + 10%洛神花冰蜜茶 Roselle Ice Tea。HKD58 + 10% @ 一壺🤫 前晚放工同同事仔見天氣凍凍哋..諗住一齊過去海光街嗰頭食埋個晚飯先返屋企..點知行到過去先發現原來夜晚嘅海光街係咁大分別架喎..平時Lunch Time過嚟成街都係食肆但係都人頭湧湧咁..但係夜晚黑呢..烏燈黑火人影都冇隻..咁喺我哋以為可以放棄嗰陣發現到隨心哩間餐廳..咁我哋就好隨心咁入去醫肚啦🤪🤫 一入去坐低掀開個Menu發現哩度乜都有得食架喎..川菜港式..甚至星馬泰式都有..勁..跟住同事仔話見凍..叫個酸菜魚辣一辣佢暖吓個胃喎..你知啦..我生平都唔食辣乜滯架嘛..緊係千叮
。
。
🇨🇳 酸菜魚 在鰂魚涌 🇨🇳
。隨心 With Your Mind
。海光街12號地舖
。
招牌酸菜魚
Signature Pickled Vegetable Fish
。HKD198 + 10% @ 二人份
。HKD338 + 10% @ 四人份
避風塘生蠔 Typhoon Shelter Oysters
。HKD168 + 10%
欖菜肉鬆四季豆
Green Beans with Pork Floss
。HKD80 + 10%
洛神花冰蜜茶 Roselle Ice Tea
。HKD58 + 10% @ 一壺
🤫 前晚放工同同事仔見天氣凍凍哋..諗住一齊過去海光街嗰頭食埋個晚飯先返屋企..點知行到過去先發現原來夜晚嘅海光街係咁大分別架喎..平時Lunch Time過嚟成街都係食肆但係都人頭湧湧咁..但係夜晚黑呢..烏燈黑火人影都冇隻..咁喺我哋以為可以放棄嗰陣發現到隨心哩間餐廳..咁我哋就好隨心咁入去醫肚啦🤪
🤫 一入去坐低掀開個Menu發現哩度乜都有得食架喎..川菜港式..甚至星馬泰式都有..勁..跟住同事仔話見凍..叫個酸菜魚辣一辣佢暖吓個胃喎..你知啦..我生平都唔食辣乜滯架嘛..緊係千叮萬囑要好少好少辣啦..然後我哋再加咗一份避風塘生蠔同欖菜肉鬆四季豆就夠皮啦
🤫 話咁快..一大鍋酸菜魚就嚟啦..咁睇賣相..我欣賞佢比起街外嘅酸菜魚稍為無咁油..然後配料都幾多..有兩三種菌類青瓜條同粗薯粉..薯粉煙靭有口感兼且勁溯汁..我食咗兩條就已經變咗麥當勞咀💋..而魚塊都有八至十塊大大塊..雖然我唔知佢係咩魚..但係佢好滑溜而且少骨..基本上我感覺到廚師已經好用力咁樣幫我減輕個辣度..所以今次我係食得幾過癮嘅..By The Way..份量之大..我哋兩條友就食極都仲有..🤭懷疑三個人都夠食
🤫 然後就講我個人幾鐘意嘅欖菜肉鬆四季豆..食得出師傅嘅功夫同埋鑊氣..四季豆份量又係都算幾多..肉鬆其實係四四方方嘅超的骰嘅肉粒..同埋雖然面頭都有好多粒辣椒粒..不過出奇地唔辣..純粹係惹味..(唔通我已經辣到麻木咗🤔)
🤫 最後就到同事仔話覺得好唔錯嘅避風塘生蠔..生蠔係酥炸出場嘅..一啖咬落去會爆汁..勁Juicy而且都幾鮮..加埋旁邊嘅炸蒜食又係勁惹味..價錢方面一路發六粒係唔平嘅..不過隻隻蠔都有返咁上下大隻都OK呀
🤫 咁食啲嘢又熱氣又辣又剩咁..唔叫返杯嘢飲都對唔住自己啦..咁為我哋嘅身體健康着想..我哋好乖咁樣唔叫可樂汽水..反而係叫咗一Jar 洛神花冰蜜茶..五十八蚊咁大Jar都抵飲.. 有成四杯半架..味道就正常啦..勝在夠凍夠解渴..兼且可以自我安慰可以下吓火🤭
🤫 最後講吓餐廳環境..餐廳以深色木系作為主色..普通小店嘅格局..座位都唔算太迫..侍應姐姐服務都唔錯..成件事造就咗一個隨心又溫馨嘅晚上
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
張貼
