Y Pasta

食物質素真係大失所望，本身期望值過高，誤信KOL推介，點知真係中下水平。- 洋蔥湯成$78蚊一啲都唔好飲，剩係得個鹹味- 辣肉腸pizza、意粉就中規中矩，個帆立貝煎得幾好味嘅- 甜品方面，個多士係全晚最好食嘅，炸得幾好，配埋啲榛子醬非常好味- Tiramisu酒味太濃，好似唔係用手指餅，cream同埋蛋糕嘅比例做得唔好，食落去好膩服務態度方面，除咗有一個女侍應講嘢語氣好奇怪，講嘢好大聲喺度數晒啲規矩俾你聽咁，不過其他嘅侍應態度都好好。然後啲嘢食等咗勁耐，最耐個份足足等咗50分鐘，總共催咗三次先至有嘢食。總括而言，環境係幾靚，但係坐得舒唔舒服都要好睇彩數，因為我哋4個人食，但佢哋俾咗面壁思過枱我哋😂四個人對住牆食嘢，不過可能早啲去就會有啲好啲嘅位。但係食物質素真係好普通，完全對唔住呢個價錢，大家真係唔好盡信KOL嘅推介！