影片
更多
2024-08-16
115 瀏覽
話說老婆大人有單大project剛剛完結，而佢單project 又係跑馬地附近，所以喺openrice揀定一間omakase去慶祝。呢間omakase 叫”Suzuno” 位於跑馬地，其實喺紀利華木球會附近，都幾近銅鑼灣。好彩提早預約，入到去都已經有4個人。（間餐廳都係得10個位），想去食記得提前預約。🔹前菜沖繩海草伴白海膽、黑豆、澤蟹（好似手指公咁大嘅蟹仔,用高溫油炸，好有蟹味，蟹仔細細仲有蟹膏，連殼食）、仲有太刀魚白花卷（入面係牛蒡）。🔹湯品 - 鱧魚清湯（京都名物）鱧魚係有好多無數細小嘅骨頭，而且骨頭非常之硬，所以必須要將小骨細細切斷先至可以俾客人食用，整呢個魚好考廚師嘅刀工，食omakase 就係要食呢d細緻的技巧菜。清湯入面有柚子，湯上面有一點梅醬，湯裏面有順菜（表面有層啫哩包住嘅伴菜）。魚湯加上柚子及梅醬，非常之清新及特別，加上順菜的點綴,成個湯昇華了。🔹魚生-鱸魚魚肉好新鮮，配上醋橘（酸味較濃，比較清新）同紫蘇花一起，又將美味提升進一步嘅層次。🔹魚生-縞鰺縞鰺係池魚中最高級嘅品種，肉質更有彈性同埋更加肥美，口感順滑鮮甜。🔹水八爪魚整呢個菜色期間，廚師會攞條八爪魚腳出嚟畀我
呢間omakase 叫”Suzuno” 位於跑馬地，其實喺紀利華木球會附近，都幾近銅鑼灣。
好彩提早預約，入到去都已經有4個人。（間餐廳都係得10個位），想去食記得提前預約。
🔹前菜
沖繩海草伴白海膽、黑豆、澤蟹（好似手指公咁大嘅蟹仔,用高溫油炸，好有蟹味，蟹仔細細仲有蟹膏，連殼食）、仲有太刀魚白花卷（入面係牛蒡）。
🔹湯品 - 鱧魚清湯（京都名物）
鱧魚係有好多無數細小嘅骨頭，而且骨頭非常之硬，所以必須要將小骨細細切斷先至可以俾客人食用，整呢個魚好考廚師嘅刀工，食omakase 就係要食呢d細緻的技巧菜。清湯入面有柚子，湯上面有一點梅醬，湯裏面有順菜（表面有層啫哩包住嘅伴菜）。魚湯加上柚子及梅醬，非常之清新及特別，加上順菜的點綴,成個湯昇華了。
🔹魚生-鱸魚
魚肉好新鮮，配上醋橘（酸味較濃，比較清新）同紫蘇花一起，又將美味提升進一步嘅層次。
🔹魚生-縞鰺
縞鰺係池魚中最高級嘅品種，肉質更有彈性同埋更加肥美，口感順滑鮮甜。
🔹水八爪魚
整呢個菜色期間，廚師會攞條八爪魚腳出嚟畀我哋睇有幾大條，廚師話淨係一隻腳都1kg。八爪魚嘅腳會切片，同八爪魚吸盤會切出嚟。配合2款wasabi,分別係醬油漬wasabi同普通wasabi。
食得辣嘅可以食醬油漬wasabi，可以提升美味的層次。新鮮嘅八爪魚腳好有咬口，而八爪魚吸盤亦都出奇地爽脆。
🔹紫海膽
食之前廚師話，海膽啲味度有時會同佢居住環境有關，佢住的地方附近海草多啲就會甜啲，佢住嘅地方附近好多石頭，海膽入門的礦物味就會重返d。 咁啱我同我老婆嗰隻海膽都有少少唔同味。不過都非常鮮甜好味。
🔹炸沙甸魚魚苗
將好細小嘅魚苗炸到好似薯片咁，好香趣惹味用嚟送酒真係一流。
🔹北海道粟米（白色） 及 長崎粟米（黃色）
2款粟米都加上薄薄一層嘅炸醬去炸，北海道粟米就比較清新，而長崎粟米就粟米未比較重。兩款粟米都好好食。
🔹海老珍丈
呢個係一個好有層次感又鬆軟嘅炸蝦丸，師父話用咗好多白蝦去做。師傅話整啲呢個菜，好多功夫，唔怪之得咁好食。
🔹壽司 - 金目鯛
由淡身魚開始食，金目鯛油脂含量適中肉質細膩。
🔹壽司-間八
間八係高級壽司食材中嘅前三名之一，佢嘅預覽部位非常肥美口感相當濃郁香醇，口感比油甘魚更豐富。
🔹壽司-關鯖魚
大分縣嘅關鯖魚用嚟做刺身係非常之出名，關鯖魚口感一流，魚味濃郁。
🔹壽司-昆布漬帆立貝
廚師將帆立貝中間切開，入面放啲飯落去，廚師亦已經將帆立貝調味，食入口就充滿鮮活的甜，貝肉絲滑如絲。帆立貝非常鮮甜又軟滑。
🔹壽司-槍魷魚
在口中可以感受槍魷魚的柔軟韌勁，十分鮮甜。
🔹壽司-岩手縣石坦貝
8月係石垣具當造的季節，肉身非常厚實及鮮甜，廚師又會即時表演打到佢彈起。
🔹壽司- 中拖羅 入口即溶
🔹壽司-大拖羅
是整條吞拿魚擁有最多脂肪嘅位置，呢個位比較有咬口，油份最豐富，一入口就滿口油花感，所以廚師會加鹽提升餘香降低油膩。
🔹壽司-吞拿魚醬油漬
🔹壽司-北海道馬糞海膽
廚師整之前會俾盒海膽大家睇，睇落海膽非常之新鮮，而整出來的壽司係海膽多過飯
湯品
🔹麵豉湯，暖一暖胃
甜品
🔹富良野赤玉瓜
🔹沖繩熱情果芝士餅
食完好食的壽司，再食充滿日本風味的水果，及芝士餅，三小時嘅美食同埋視覺盛宴已經完成。
總結： 呢度坐得好舒服，環境十分cozy，廚師非常健談，每上一道菜之前都會認真同你介紹食物，但係佢見到你傾計又唔會嘈住你，讚
張貼
