影片
更多
2021-10-04
37 瀏覽
疫情仲未過，但個心已經飛左我嘅家鄉日本，雖然唔知幾時先去到，唯有食住日本菜先啦！呢日去咗銅鑼灣黃金商場嘅一門度食，地點非常方便，就喺mtr隔離。店員非常有禮貌，店舖亦非常有日本style。我地叫咗壽司十件（HKD 280)，厚燒玉子 (HKD 60)，東洋卷 (HKD 72)，炸雞香蔥 (HKD 75)，豚肉豆腐石燒炊 (HKD 96)同埋滑蛋鰻魚石頭飯(HKD 138)。先嚟嘅係壽司：海膽、吞拿魚蓉、帶子、牡丹蝦、章紅魚、𩶘魚、三文魚、拖羅、油甘魚、鯛魚。賣相非常靚，顏色鮮豔，食落去非常鮮甜可口，簡直係人間美食。跟住就係signature dish之一嘅玉子燒。賣相非常靚，玉子上面仲印有「一門」兩字，分量非常大，食落好嫩滑。再嚟嘅就係東洋卷，蛋卷內面包住牛油果、蟹籽同鰻魚。非常有特色又花功夫嘅一個菜式。蛋卷皮真係好薄好嫩滑，好少地方可以食到呢個質感。整體嚟講東洋卷味道幾特別。如果唔係仲有其他美食，我地一定會再encore。炸雞炸得表面金黃乾身，唔油膩，食落去卜卜脆，內裡juicy。大量香葱喺面，好惹味！豚肉豆腐石燒炊，分量好大，用料充足，豆腐豆香十足，好滑溜，呢味菜清清地，好啱健康人
店員非常有禮貌，店舖亦非常有日本style。我地叫咗壽司十件（HKD 280)，厚燒玉子 (HKD 60)，東洋卷 (HKD 72)，炸雞香蔥 (HKD 75)，豚肉豆腐石燒炊 (HKD 96)同埋滑蛋鰻魚石頭飯(HKD 138)。
先嚟嘅係壽司：海膽、吞拿魚蓉、帶子、牡丹蝦、章紅魚、𩶘魚、三文魚、拖羅、油甘魚、鯛魚。賣相非常靚，顏色鮮豔，食落去非常鮮甜可口，簡直係人間美食。
跟住就係signature dish之一嘅玉子燒。賣相非常靚，玉子上面仲印有「一門」兩字，分量非常大，食落好嫩滑。
再嚟嘅就係東洋卷，蛋卷內面包住牛油果、蟹籽同鰻魚。非常有特色又花功夫嘅一個菜式。蛋卷皮真係好薄好嫩滑，好少地方可以食到呢個質感。整體嚟講東洋卷味道幾特別。如果唔係仲有其他美食，我地一定會再encore。
炸雞炸得表面金黃乾身，唔油膩，食落去卜卜脆，內裡juicy。大量香葱喺面，好惹味！
豚肉豆腐石燒炊，分量好大，用料充足，豆腐豆香十足，好滑溜，呢味菜清清地，好啱健康人士。
最後就係鰻魚石頭飯，未食已經聞到濃濃郁郁嘅鰻魚香氣，加上滑蛋，個心已經好想食。個人覺得食咗咁多前菜/壽司，緊係要有返啲熱飯落肚先完滿。鰻魚好大塊，又好味，性價比非常之高！
飲品方面，叫咗蜜桃梳打同陳皮檸檬，兩杯凍飲。梳打有清爽嘅蜜桃香味，而我個人比較喜歡味道相對濃郁嘅陳皮檸檬，味道清甜滋潤。
張貼
