影片
更多
2021-09-26
486 瀏覽
呢日出咗旺角食晏，朋友喺網上買定優惠卷食「阿久根和牛拉麵屋 」。我其實都想試好耐，有埋Coupon食就啱哂，$80可買$100現金卷🈹。餐廳門面及室內裝修都有花上心思設計😍，店內全部都係高枱，以提升空間感。另外，牆身亦貼滿拉麵手稿，好有日本風味🎌。呢度嘅拉麵款式算幾多，湯底以至餸料均有多項選擇，就例如佢有齊豬、牛、雞同蝦俾你揀😜。另外，你亦可選湯麵或者沾麵，前者價錢比較平，麵食定價由$75至$148不等。燒牛肩胛雞白湯拉麵($98)，雞白湯幾清爽，無豬骨湯咁肥膩，亦唔油，最緊要係夠熱👍。每碗湯麵均配有蔥、筍、紫菜、本耳同半邊溏心蛋，蛋嘅流心效果一流🥚。🍜麵條無得揀粗幼或軟硬度，而出到嚟都OK，麵質彈牙，偏粗身，幾適合掛湯。🐮燒牛肩胛有四片，每片唔算大塊，但勝在夠厚身，而且肉質亦唔韌。🐔我另外加咗慢煮蕯摩雞($38/3片)，白𠽌𠽌嘅雞肉令我聯想起雞胸，但佢肉質一啲都唔嚡。炙燒豚肉濃蝦湯拉麵($88)，🦐蝦濃湯好惹味，湯頭唔算杰身，不過味道就夠晒鮮甜，散發出濃濃蝦香，唔錯唔錯。🐷炙燒豚肉係幾款之中最出色，齋睇個樣已經見到炙燒效果均勻🔥，食落充滿脂香，好鬼正。阿波美雞皮餃子($48/3隻)，
呢日出咗旺角食晏，朋友喺網上買定優惠卷食「阿久根和牛拉麵屋 」。我其實都想試好耐，有埋Coupon食就啱哂，$80可買$100現金卷🈹。
餐廳門面及室內裝修都有花上心思設計😍，店內全部都係高枱，以提升空間感。另外，牆身亦貼滿拉麵手稿，好有日本風味🎌。
呢度嘅拉麵款式算幾多，湯底以至餸料均有多項選擇，就例如佢有齊豬、牛、雞同蝦俾你揀😜。另外，你亦可選湯麵或者沾麵，前者價錢比較平，麵食定價由$75至$148不等。
燒牛肩胛雞白湯拉麵($98)，雞白湯幾清爽，無豬骨湯咁肥膩，亦唔油，最緊要係夠熱👍。每碗湯麵均配有蔥、筍、紫菜、本耳同半邊溏心蛋，蛋嘅流心效果一流🥚。
🍜麵條無得揀粗幼或軟硬度，而出到嚟都OK，麵質彈牙，偏粗身，幾適合掛湯。
🐮燒牛肩胛有四片，每片唔算大塊，但勝在夠厚身，而且肉質亦唔韌。
🐔我另外加咗慢煮蕯摩雞($38/3片)，白𠽌𠽌嘅雞肉令我聯想起雞胸，但佢肉質一啲都唔嚡。
炙燒豚肉濃蝦湯拉麵
$88
40 瀏覽
0 讚好
0 留言
🐷炙燒豚肉係幾款之中最出色，齋睇個樣已經見到炙燒效果均勻🔥，食落充滿脂香，好鬼正。
阿波美雞皮餃子($48/3隻)，🥟以雞皮取替傳統餃皮嘅餃子好少見，雞皮外層煎得脆脆的，雖然入面都係包住肉餡，但就唔似食緊餃子。
總括嚟講，呢間拉麵屋幾好，無論湯底、餸料定麵條都幾有水準🤤。如果食得辣，可以考慮加入放喺枱面嘅辣粉，加入後又係另一番風味。最後，店員服務態度有禮，抵讚🙏🏻。
張貼
