點點鮮 (已結業)

滿心期待嘅海鮮大餐，結果令人食到一肚氣！😤見到呢個陣容本身大家都好興奮，啲海鮮望落都好似幾新鮮，但到真正開餐嗰時先發現原來質素好參差...😩我哋叫嘅係八人餐，差唔多每樣海鮮都令我哋有中伏嘅感覺...- 大蜆:個size只係比平時啲豉椒炒蜆大隻少少，唔知係咪真係大蜆嚟...- 鮑魚:有一隻好明顯死咗好耐，諗住都係冇咁新鮮姐，於是照擺落去蒸，點知蒸蒸下聞到浸勁臭嘅味...嗅到好似爆屎渠咁...於是即刻夾返佢出嚟掉咗佢...浸臭味好耐先散到！😭- 元貝:其中一粒特別細，細到乾瑤柱咁嘅size...擺明搵笨！仲要蒸之前發覺佢洗得唔係好乾淨...我哋唯有自己再攞鹽水沖一沖🤦🏻‍♀️- 蝦/蟹:有大概一半都係梅梅地...😔- 魚:肉質正常但一啲魚味都無最後整個粥底先最慘...喺所有精華落晒啲水度嘅時候...個粥底竟然煲窿左！！！可能係我哋唔識煲粥啦...但其實上面蒸緊野嘅時候我哋根本唔會攪到下面啲粥...我真係唔明係我哋嘅問題定係個煲嘅問題...個煲加咗$99換㗎！！最後就搞成咁喇！！真係好嬲！呢餐海鮮餐破壞晒我哋嘅心情！以後都唔會再幫襯！