影片
更多
2021-06-06
3468 瀏覽
有一段日子冇食壽司，今個禮拜六要再嚐滋味。近幾年唔知什麼原因，越來越多人鍾意去銅鑼灣、尖沙咀及中環的樓上鮨店食壽司，所以也越開越多，但似乎仍然未能滿足市場需求。以前往往只需提前一兩日、甚至唔需要預先訂位，即時摸上門也可以坐到壽司吧；但近幾年，即使並非人氣高的鮨店，如果唔提前一兩個星期訂位，基本上冇可能在星期六日找到鮨店食壽司，甚至乎越高級、越貴、越出名的星級鮨店就越難訂位。今次本來想一試其中一間只做壽司刺身的正宗高級鮨店，奈何捨不得丟下小女兒，結果還是找了一間兼提供少量和食的鮨店「花晨月夕」。小店位於赫德道一幢樓面面積很細的商業大廈樓上，只有一張可以招呼12個人左右的梯形壽司吧枱、及兩間分別可以最多容納八個人的小包廂，空間感有點侷促。四周唔見玻璃幕牆，缺少天然日光；加上裝修相對簡陋，風格既非傳統日式鮨店、又唔係時尚形格，整體感覺一般。午市套餐共有九款，其中三款全部都係壽司，分別係9貫（$288）、12 貫（$388）及15貫（$488）。開始步入夏季，正值日本海膽當造期，晚市有一個海膽盛宴，最吸引當然是原隻活北海道紫海膽及迷你海膽三色丼，盛惠 $1,880。如果提前預約，即使午市也可以
小店位於赫德道一幢樓面面積很細的商業大廈樓上，只有一張可以招呼12個人左右的梯形壽司吧枱、及兩間分別可以最多容納八個人的小包廂，空間感有點侷促。四周唔見玻璃幕牆，缺少天然日光；加上裝修相對簡陋，風格既非傳統日式鮨店、又唔係時尚形格，整體感覺一般。
午市套餐共有九款，其中三款全部都係壽司，分別係9貫（$288）、12 貫（$388）及15貫（$488）。開始步入夏季，正值日本海膽當造期，晚市有一個海膽盛宴，最吸引當然是原隻活北海道紫海膽及迷你海膽三色丼，盛惠 $1,880。如果提前預約，即使午市也可以品嚐；訂位時侍應沒有提及，也是來到才知道，最終只好揀15貫壽司套餐 （$488）。
一次過送上柚子醋沙律、茶碗蒸及味噌湯；與其他鮨店比較，茶碗蒸及味噌湯是迷你版。三款味道都一般，沒有特別吸引之處。
壽司食材全部放在兩個木盒內，呢一點就最接近高級酯店做法，避免將魚鮮食材直接放在雪櫃內，容易流失水份；不過，驟眼望過去沒有什麼特別吸引或者貴價食材，亦缺乏貝 / 甲殻類。
師傅同時照呼我倆及另外一組客人，所以一次過準備4份食材。
15貫壽司的次序並沒有刻意以白身魚、赤身魚、光皮魚或貝 / 甲殻類具分鐘，似乎係以味道由淡至濃定先後。按次序分別係真鯛、帆立貝、甜蝦tartare、赤貝、伊佐木、深海池魚、炙金線鯛、彷彿魚、醬油漬赤身、赤蝦、鯖、銀鱈、海膽、中とろ及穴子。師傅主要以醬油調味，不似部份新派手法以其他天然食材提味。
帆立貝係其中一款添加了醬油以外天然調味的壽司；師傅刻意加入青檸汁，除了醬油之外多了青檸菓香，亦可僻走帆立貝的重海水味，入口清新。
甜蝦tartare 壽司上面的食用花以裝飾及加添顏色為主，本身沒有任何味道。甜蝦本身已經偏軟糯，刴成 tartare 後軟糯口感更明顯。以這種方法展現的甜蝦壽司，賣相是意料之外的吸引，味道及口感亦相當突出。
深海池魚添加了柚子皮硝，淡淡菓香有點掩蓋了魚味。細味咀嚼下缺少了深海池魚應有的結實爽身，這一件壽司的食材質素麻麻。
金線鯛經火灸後帶出了油份，提升香味。與紅色魚皮的金目鯛比較，口感差不多，但顏色賣相及魚油香氣就明顯給比下去了。
彷彿魚是比較少見的食材，味淡、肉質有少少煙韌。個人口味不太喜歡。
醬油漬赤身突顯了鮪赤身的酸度，而且酸度很高，過了平𧗾點，可能係醬油質素唔好？
赤蝦是這一頓午餐最精彩的壽司。師傅先將蝦頭內的蝦膏攪拌成醬，然後用火槍燒烤，處理期間已嗅到香氣飄溢。用蝦膏作調味最為理想不過，有什麼方法可以比起用食材（赤蝦）本身去調味更匹配？蝦肉腍甜、少少爽口，蝦膏鹹香鮮合在一起；好食！
鯖魚魚味淡，唔係理想中的重味生鯖。
其他鮨店的銀鱈壽司通常用火炙引出大量魚油，趁熱食魚油香氣濃郁、肉質滑嫰，非常好食。這件銀鱈壽司則是生吃，並用了丁點黑松露醬提味。黑松露醬唔突出，亦唔應該突出，皆因太濃調味會蓋過魚味；既然如此，又何必用黑松露醬？未經火炙的生銀鱈原來咀嚼下有少少爽脆，惜未能突顯魚油香氣，味道有點失望。
海膽質素不錯，味道濃郁香甜；惜雪櫃太凍，引致海膽溫度太低，影響了入口感覺。
穴子的火炙時間控制得幾好，帶出了極濃郁的穴子油香；魚皮有少少香脆、肉質鬆化。如果醬汁味道再濃郁一些，甚至能夠用穴子魚肝去調制就會更加美味。
最後以鮪魚腩蓉手卷結束。15貫壽司加一件手卷足夠填飽肚子有餘。
壽司款式唔算特別，亦沒有什麼特色食材，但大部分食材夠新鮮，只略嫌手法及技巧有改善空間，未能展現食材最佳賣相效果及味道。始終相對其他同級鮨店抵食，如果唔嫌棄用餐環境稍有不及，也值得一試。
張貼
