和宴

營業中

休息中

近排返工好多嘢做，難得放假真係想慰勞下自己🥹諗起有時經過彩星大廈，有間日本餐廳想食好耐，決定午餐去試吓。來得朝聖就點咗两個「和牛」套餐，每個定食包括海帶湯、迷你沙律、日本漬物、甜點或飲品頂級宮崎和牛定食————————————諗起和牛充滿香氣嘅油脂，已經流晒口水🤤非常感謝店員好有耐性咁講解燒和牛嘅方法，避免錯誤地燒肉，浪費咗咁正嘅和牛啦係咪先🤤個人偏好由油脂較重嘅和牛燒起，最後食牛味比較重嘅和牛。首先燒1.西冷，肉質厚實卻軟嫩，油花十分細緻，脂肪顏色呈乳白色，入口油脂非常豐富。其次燒2.肉眼，肥美肉嫩、入口溶化，同樣油花細緻。然後燒3.特上雪花牛排肉，目測油脂都唔少，不過當然比前兩款和牛少啲油脂，但口感更加紮實同有好香牛味。宮崎和牛 西冷牛排定食————————————較軟身，油脂分佈平均，更有濃濃的牛肉香，滿佈著雪花般的豐腴脂肪，一咬口肉質有層次，非常滿足，正。